影片
更多
2022-09-22
6547 浏览
由于疫情关系，仍未出外旅行嘅机会，除咗行吓山、郊游吓，「宅渡假」就成为另一放松心灵选项。之前好几次「宅渡假」都喺拣晌新界区或离岛区，而今次就拣咗入嚟将军澳嘅「九龙东智选假日酒店」，整个套票包入住当日自助午餐、标准客房、免费借用单车及翌日自助早餐（$1,100 + 10%），都算抵玩。不过，虽然入住喺「假日酒店」，但午餐、早餐都喺晌对面「九龙东皇冠假日酒店」嘅「尚厨」餐厅享用，皆因「假日」本身喺无餐厅。酒店正正位处「将军澳」站上盖，黐住「PopCorn」个大商场，位置就非常便利。作为酒店食自助餐嘅地方，一般个场都几大，呢度楼底都几够高，一边又喺落地大玻璃窗，对住商场平台，所以，感觉都几唔错。而最估唔到，今日喺星期五，即喺闲日，入座率目测都应该有9乘，可见大家都要靠食餐自助餐嚟舒缓吓抗疫疲劳。 我哋原本喺被安排住晌里面近食物枱嘅位置，虽然，枱与枱之间都有啲高身嘅透明胶板隔住，但始终都多人，老婆就想食得安心少少，所以，要求坐出「门口」位得唔得，相信呢组位置喺以前客满时，想多做几组客人而设，依家就啱晒我哋，得几个人同我哋谂法一样坐出嚟。餐厅有另一个连住平台入口，基本上，喺唔多人行过呢个位置。
酒店正正位处「将军澳」站上盖，黐住「PopCorn」个大商场，位置就非常便利。作为酒店食自助餐嘅地方，一般个场都几大，呢度楼底都几够高，一边又喺落地大玻璃窗，对住商场平台，所以，感觉都几唔错。而最估唔到，今日喺星期五，即喺闲日，入座率目测都应该有9乘，可见大家都要靠食餐自助餐嚟舒缓吓抗疫疲劳。
我哋原本喺被安排住晌里面近食物枱嘅位置，虽然，枱与枱之间都有啲高身嘅透明胶板隔住，但始终都多人，老婆就想食得安心少少，所以，要求坐出「门口」位得唔得，相信呢组位置喺以前客满时，想多做几组客人而设，依家就啱晒我哋，得几个人同我哋谂法一样坐出嚟。餐厅有另一个连住平台入口，基本上，喺唔多人行过呢个位置。
严格嚟讲，个自助午餐喺无咩主题，不过，睇门口栋咗个价钱牌，叫「蚝得喜」自助午餐，卖点喺有生蚝供应啰。平日嘅原价要$328 + 10%，如网上订可以去到75折，实价$280，晌呢个时势，都算抵食。
整个场地嘅格局，都算几归一，以正门入口计，靠右喺甜品区，然后靠左一直走到尾就喺各项食物区，唔会东一忽，西一忽。
饮品因为就近晌门口，先介绍一下先。基本上，一边喺冻茶、冻啡、果茶同柠檬特饮，而另边就喺热茶、咖啡机，都喺啲大路嘢咁啦，任斟任饮，喺咁上下架啦。如果想饮番杯，餐厅亦提供红白餐酒，但就需另外收费。
沙律自助沙律吧唔算喺好大阵容，有数款沙律菜，十零款配料，几款酱汁，以及少少预制好嘅沙律，但亦有亮点，就喺标明用上水耕菜，唔需要使用农药，自然更健康，质素亦更稳定，当然，成本亦会高啲。
冻肉盘、芝士盘晌沙律吧中，就有少少杂绵冻肉盘、挪威三文鱼，喺唔少自助餐必见嘅冷盘嘢，小弟一向用嚟衬沙律食；下面就放有芝士盘、干果、水饼，少有净食，大多数都夹吓啲沙律、头盘一齐。
刺身、寿司、和食本身都喜欢食刺身、寿司，不过，平常食自助餐就好少拣，因为觉得大多数都喺普通嘢，但点都要讲两句，有冷面、杂绵寿司同4款刺身，款式就唔多，却喺唔少港人嘅喜好。
介绍完上述几个大类，就嚟一份超级头盘，样样执啲，睇见都好丰富啦，除沙律菜外，加烤南瓜、阿枝竹、烟三文、冻切肉、芝士、刺身、橄榄、粟米粒、藜麦、干果……等等，淋上油醋，的确几酸香醒胃，清爽怡人，开开胃等阵可以大开杀戒食尽啲。
餐汤、面包自助餐就一定会提供中汤、西汤，前者有莲藕煲唐排，后者就喺蘑菇忌廉汤，两款都唔喺咩特别嘢，不过，食完一轮头盘冻嘢，都会饮少少汤暖番个胃。而面包无放晌餐汤旁，反而晌甜品区𠮶边，因为𠮶边有个暖柜摆甜点，正好烘热住啲包。
小弟就拣西汤，虽然只不过喺蘑菇忌廉汤，但真材实料，好浓菌香，又够滑溜，而衬个汤，除拎咗一小个欧陆麦包，仲加多件迷你葡挞同苹果卷，个包烟韧有麦香，搽上少少牛油都好好食，皆因喺「暖笠笠」，而葡挞同苹果卷都正㖞，尤其后者，卷住好多苹果肉，好清甜。
海鲜吧依家生蚝唔再喺自助餐必然供应嘅食物，太多基于食卫安全去考虑，而呢度就以生蚝作为卖点，所有生蚝都喺即开。此外，海鲜类仲有黄金螺、青口、冻甜虾、大蚬，唔算多款，但自助午餐而言，算喺好OK。
啲生蚝每次限攞两只，对我嚟讲真喺无乜所谓，反正我都喺少试一下。样样海鲜要啲，再搭啲生果，少有咁样配搭，但感觉几清爽，再者，啲海鲜质素都OK，生蚝厚肉爽口，带浓浓海水咸鲜味。 
热食、即煮档跟住轮到介绍热盘呢个大片区啦，先一口气介绍晒有啲咩食，包括：土耳其烤肉卡巴、即煮粉面、点心、烧西冷、中西式热盘、海鲜生滚粥档、烧味……等等，虽然无咩亮点嘢，但以自助午餐计，阵容都算丰富啦。
老婆就有试吓啲粥，我就留肚扫甜品，所以，粉面、粥品、点心、烧味呢啲常食到嘅就无要，不过，执吓执吓都砌到一大碟「主菜」，有烧西冷、秋刀鱼、烤猪肋骨、饺子、卡巴同啲蔬菜，几款肉都唔错，西冷软腍富肉香，秋刀鱼同饺子喺老婆推介，而卡巴唧上大量牛油果酱，老婆见到都抢住试，加上啲烤肉好惹味，又热焫焫。
甜品近入门口位就喺甜品区，分两组位置放满中西式甜品、雪糕，而且，睇得出有刻意嘅布置，感觉更吸引。无影低啲甜品名，但从影低嘅相，有16、17款左右，款款都精致的骰，又多元化。
兜咗一圈，锁定晒心水目标，就拣咗芒果布甸、意式草莓奶冻、迷你鲜果挞、芒果拿破仑、红豆绿茶芝士蛋糕、意大利芝士蛋糕、榛子朱古力蛋糕及热情果慕丝蛋糕共8款，综合而言，质素比预期好㖞，布甸、奶冻做得滑溜，拿破仑够酥脆芝士饼吊出咸香味，慕丝蛋糕口感柔滑，满足。
老婆都钟意食甜品，但胃纳有限，通知就黐我嘅甜品拼盘样样试半口，反而，佢自己就会攞碗豆腐花食，因为，佢一向钟情豆制品，佢话个豆腐花唔错，好够滑溜，有豆香。
Häagen-Dazs雪糕甜品中，有品牌嘅雪糕亦喺唔少大酒店自助餐嘅必然选项，一共有6款口味供应，包括焦糖脆饼、芒果、比利时朱古力、抹茶、曲奇云呢嗱同士多啤梨，有专人负责服务，但小弟就钟意自己落手，因为会砌得靓仔啲。
因为见个暖柜有啲鸡蛋仔，所以，就雪糕配鸡蛋仔，不过，可能睇相就睇唔到啲鸡蛋仔。焦糖脆饼、芒果、比利时朱古力雪糕喺小弟心水，加多球抹茶，又去朱古力喷泉𠮶边加啲朱古力浆。HD雪糕就唔使多讲，质素唔差得去边，夹鸡蛋仔食，过足瘾啦。
今次两日一夜之旅，安排好晒各项行程，朝早已去咗一转「鲤鱼门石矿场」影吓相，劳动吓，所以，作战状态几好，扫咗好多碟嘢，之后上房抖一抖，然后再借单车踩落海滨睇睇日落，不知几写意呀！
张贴
