影片
更多
2018-11-26
493 浏览
公平啲讲，呢间嘢嘅食物质素十分好，以价钱之言，各个餐都绝对物超所值，所以呢间大荣桦一度成为我同一班同事嘅饭堂，差唔日日嚟食⋯可惜，一间原本性价比咁高、咁好嘅餐厅，畀一个被伙记称为经理嘅阿姐完全破坏！其实由一开始嘅时候，已经发现呢个阿姐态度已经好与别不同，我明白要人齐先入坐、我明白要尽快落Order、我明白唔好阻住啲位、我明白即叫即整系需要等、我明白你哋伙记做得辛苦有时会燥啲⋯呢啲我通通都体谅，食得我都预咗，但有一次我哋一行几个人去食饭，其中有一个人未决定到，竟然随即被呢位经理大声指桑骂槐，当住所有食客面前话我哋「只顾㩒电话」、「嚟到唔系为咗食嘢」之类，我哋坐低不过系三、四分钟，未决定到食乜都唔驶咁嘅态度⋯讲真，我好多同事都反对去呢间食午饭，只系我一直坚持，始终嘢食好味为先，但容忍的确有个限度，我开咗OpenRice户口咁多年，自问从冇写个劣评，就系大荣桦要我开斋、要同大家分享，至少畀大家一个心理准备，如果大家要食好嘢，我唔反对大家一试，但你预咗要受气，系欠咗佢𠮶种！如果大家想训练EQ的话，大荣桦系你不二之选。致大荣桦：如果上述所谓经理系老板的话，请你好好检讨，待客之道我冇资格教人，但礼
可惜，一间原本性价比咁高、咁好嘅餐厅，畀一个被伙记称为经理嘅阿姐完全破坏！其实由一开始嘅时候，已经发现呢个阿姐态度已经好与别不同，我明白要人齐先入坐、我明白要尽快落Order、我明白唔好阻住啲位、我明白即叫即整系需要等、我明白你哋伙记做得辛苦有时会燥啲⋯呢啲我通通都体谅，食得我都预咗，但有一次我哋一行几个人去食饭，其中有一个人未决定到，竟然随即被呢位经理大声指桑骂槐，当住所有食客面前话我哋「只顾㩒电话」、「嚟到唔系为咗食嘢」之类，我哋坐低不过系三、四分钟，未决定到食乜都唔驶咁嘅态度⋯
讲真，我好多同事都反对去呢间食午饭，只系我一直坚持，始终嘢食好味为先，但容忍的确有个限度，我开咗OpenRice户口咁多年，自问从冇写个劣评，就系大荣桦要我开斋、要同大家分享，至少畀大家一个心理准备，如果大家要食好嘢，我唔反对大家一试，但你预咗要受气，系欠咗佢𠮶种！如果大家想训练EQ的话，大荣桦系你不二之选。
致大荣桦：如果上述所谓经理系老板的话，请你好好检讨，待客之道我冇资格教人，但礼貌都系做人嘅基本。如果佢系员工的话，如果可以，请将佢调离前线，否则佢会害死你间餐厅！坦白讲，你哋其他嘅伙记都好好，好有礼貌，你哋一定揾到更适合嘅人企楼面、迎接食客
张贴