雄興美食

营业中

休息中

去完圣母医院探病，难得黎到黄大仙慈云山一带，梗系要会一会呢度嘅小店，食埋饭先打道回府啦。今次拣咗呢间潮州野，店面系好旧式嘅「饭店」feel，睇落去就已经觉得好有风味。野食就叫咗卤水鹅、蚝饼、蚝仔粥、冻乌头。先讲卤水鹅，我觉得卤水系一间潮州野嘅重中之重，呢间就中规中矩啦，香味唔太够层次；蚝饼系炸嘅(其实喺香港食到嘅大部份都系炸，我自己钟意煎𠮶d多d)，好彩d蚝仔都新鲜，粉浆都唔算厚；蚝仔粥几好，有落方鱼碎，粥底d饭同水分得好开，感觉比较正宗；最后系冻乌头，我觉得咁多样野之中呢样最好食，价钱平又大条，而且难得有黄油，好鲜味。呢间野整体唔错，会再帮衬。