夢亞萊泰國餐廳

营业中

休息中

估唔到系洪水桥揾到呢间风味十足既泰国菜！餐厅系独立小屋，环境好好气氛都唔错！食泰国野有几样野系我都好钟意食！首先就系蒜蓉包，呢度嘅蒜蓉包外面烤到少少脆，内里松软！牛油加埋蒜蓉呢个组合令人越食越想食，配埋咖哩汁一齐食更加正！所以我地都叫左个咖哩牛腩，个牛腩肉味浓郁，口感好腍，配蒜蓉包同饭都一流然后就系冬荫公汤，酸酸辣辣既味道好开胃，而且里面仲有大大只虾，鲜味十足！饮完暖笠笠酸辣凤爪又系开胃小食，冇骨而且口感爽脆，最岩配埋支泰啤呀！串烧配沙嗲酱又系泰国野唔少得既食品之一，我地叫左猪肉同鸡肉双拼，两款都好好食呀！饮品唔少得泰式奶茶同椰汁沙冰！奶茶茶香奶滑，椰汁沙冰成座山咁高，椰汁味浓！甜品就系我大爱既椰汁糕，面层够滑而里面既西米馅料都好正！呢间泰菜真系好高质呀