朱敏記桑拿菜 (已結業)

呢间野我真系忍唔住食完即刻就要写！我朋友介绍黎嘅！我通常有人肯拣去边食，我系极度欢迎同冇所谓～咁上ig 望下咩环境啦！哗！正呀！唔系嘀𩠌～系个老板娘睇完佢开张嘀相，我都唔记得睇嘀𩠌！简直大发！佢系一间大排档，入到去见到两枱麻雀，因为佢冇得订枱，所以我怀疑系老死或熟客！冇相干丫！我黎食野，好食就得啦！一坐低，后面玩骰盅㖞！拧个头过去，丫？！重用战斗碗劈紧酒！哗！系咪拍紧国产零零柒？老板娘著住迷你裙，问我地食乜？似曾相识嘅感觉⋯⋯um⋯⋯屯门公园娜娜？我拿拿淋攞起本印刷精美嘅餐牌，仔细参详，哇塞！入面竟然加入左老板娘嘅生活照，哗正！追住睇，真系好多𩠌，我朋友话一定要嗌胡椒猪杂汤，我地再加酸菜鱼，鱼肠炒菜心，炒圣子，应该够啦！我内脏人一见都虎躯一震成副计就上？重好大煲！莫急～佢滚咗之后，老板娘会帮你剪碎晒佢再帮你落芫荽如果黎呢个必叫！系好食㗎！首先嘀内脏好新鲜！个汤胡椒味超浓，生肠，粉肠，生肠头，猪肺，好多，又处理得干净，又嫩又香！我饮咗两大碗已经开始饱啦！之后呢个酸菜鱼不得了！大到可以金盆洗手！佢捧出嚟，我已经倒抽一口凉气？好大大大大盆，实食唔哂啦！佢系用两条大鲈鱼，坦白讲，鱼肉冇骨，亦相