蝦蝦燒 (已結業)

逢几个月总会一次来呢度食番一餐，可以咁讲系我其中一个美食饭堂嘅好地方，就系呢间位于荃湾大鸿辉中心虾虾烧，最吸引一定系呢度海鲜档约十款左右时令海鲜，绝对足够满足大家食欲需要，仲有冇限量生猛大头虾任捉，除了以上食物吸精之余，又可以食埋多款自助串烧同甜品雪糕等，食足3小时都系$348加1，逢假期日子会贵少少入到去店员已讲解清楚食用方法，随即附上每人限定一串肥美鳝片享用当然要烧，接住呢三小时系自由发挥任饮任食，先系坐位隔离鱼缸活足一堆大头虾，放落冰桶内浸晕一阵一只只铺满晒系烧炉上烧，系烧紧之际可以系熟食区，攞返几款特色小食喂饱一下肚仔先，咖哩鱼蛋、泰式凤爪、拍青瓜惹味小食等𨍭头已大虾烧至变色熟透，趁热食番只虾入口肉质爽弹唔少得吮埋虾头鲜甜虾膏，咁食先最正斗，接着有多款海鲜轮住烧每款海鲜各有特色，尤其元贝、带子、吊桶仔简直系我首选美食，一边烧一边洒满蒜蓉同牛油，咁烧特别香味俱全，又食到啖啖饱满肉汁滋味十足再来有串烧任烧任食，烧返几串过下口瘾满足自己，有大肠、鸡皮、牛仔骨、一口牛、台湾肠仔同蒜蓉包等，再自制埋窝夫雪糕球甜品，又品尝了一餐海鲜放题加串烧任食晚餐。