打邊爐海鮮火鍋燒烤店 (已結業)

重游旧居土瓜湾，见到四处都系地铁的工程，将以前的宁静和人情味带走了，觉得可惜。今日约左个旧街坊兼朋友食饭，佢带左我黎呢间位于银汉街的打边炉小店，从车来攘往的马头围道走入内街，昔日的人情味又出返晒黎，突然之间有啲感慨。如果朋友唔介绍，都唔识得呢间小店，但见呢间舖都几旺。土瓜湾大多数人识得去北帝街揾食，其实近红磡一带亦有啲隐世小店。这些小店，老板多数亲力亲为，有会花时间了解客人的意见，有倾有讲，又过一晚。朋友今日叫左个名贵野，今日食的系花甲蟹锅。个锅有大量花甲同肉蟹，好足料好好肉地，性价比好高。个汤亦有酒香及黑椒味，即系好惹味。份量以四个人黎讲，系相当理想。跟手我地亦叫左个手切牛颈脊，牛味好浓同好弹牙。个汤底本身都好香，mix埋靓牛个汤更好饮。强烈建议个次序系要先食牛颈脊，之后个汤底会更醒神。临尾叫左个沙锅㷛仔饭包底，街坊野，真系好香，好过食一般打边炉叫公仔面。睇个menu其实有好多正野，如果下次再黎我会想试下个鱼锅，可惜我已经好饱。我一定会再黎的。