野郎Stone Ya Rou Stone

营业中

休息中

北角汇开咗好多新餐厅， 今日就同屋企人趁假日试左位于二期一田超市入面嘅日式食店《野郎蒸》。餐厅主打蒸笼定食同石烧牛。用蒸笼嘅煮法食牛真系第一次试我选了美国牛肉片加鸡肉，店员将新鲜嘅食材放入木盒内蒸，蒸完后嘅肉片点少少酱汁就食得，新鲜又好味。依个食法完全食到食物嘅原味道。蒸笼入面仲有大量蔬菜，有红萝卜，菇，翠玉瓜，椰菜丝，可以用肉片包住菜嚟食，非常健康。石烧牛今次就拣了牛板腱，即系肩胛骨上面嘅肉。扒身厚近一吋，肉汁丰富，肉质软腍不韧。用石烧方式，客人可以自行烹调熟成度，而且石板够热，唔会好快降温，食野速度慢嘅我都可以吃到热辣辣的牛扒。转套餐另加$30就有薯蓉/意粉/饭/汤➕沙律（仲要系无限添加）➕汽水一罐，非常抵食😋👍🏻依度嘅老板娘好好人，系咁问我哋食得够唔够饱，需唔需要添饭等，非常窝心体贴。今餐同屋企人食得好开心。