影片
更多
2021-08-07
181 浏览
极差体验 其实都好少会写食评 但真系未见过一间咁差嘅 周末一行五人去 见openrice好评咁多 咪去试食 去嘅时间冇其他客人 心谂可能过左午市高峰时间 一入去见到3个staff 其中2个冇戴好口罩 露左个鼻同口出黎 1个完全冇戴口罩企系水吧 佢地围内自己系咁吹水 每句都至少含一个字嘅粗口 …未有客人时都还可接受嘅见间餐厅冇人咁尴尬就拿拿林落单 落完单再上openrice睇下食评 睇下有咩好食 洗唔洗加单 见到有一篇劣评咪睇下点解 人地话佢个前菜会自己收钱唔出声 然后waitress就上左3个蕃茄前菜 讲左句：你哋两个人就有一个。咁我地之后咪问系咪跟餐比 我地唔系好食呢样野 可唔可以唔要？佢就黑口黑面咁答：唔系，你哋两个人就有一个，系要另外收钱嘅。然后就收走，收走既时候晦气补左句：唔食都系掉😒感觉好差 好似局人食前菜咁 暗地里收费 又唔出声 问佢先讲都算喇 佢拎走前菜放番啲碟入去时仲专登制造bang bang声🙄 同事问佢做乜 佢态度劲差㖞👺系我地面前向同事用粗口闹我地至于入面嘅厨师烧串烧时继续冇戴番口罩 有个仲要咳左一下 疫情期间见到咁样好难会冇反感 食都食得唔安落 你系厨房唔戴我唔
周末一行五人去 见openrice好评咁多 咪去试食 去嘅时间冇其他客人 心谂可能过左午市高峰时间
一入去见到3个staff 其中2个冇戴好口罩 露左个鼻同口出黎 1个完全冇戴口罩企系水吧 佢地围内自己系咁吹水 每句都至少含一个字嘅粗口 …未有客人时都还可接受嘅
见间餐厅冇人咁尴尬就拿拿林落单 落完单再上openrice睇下食评 睇下有咩好食 洗唔洗加单
见到有一篇劣评咪睇下点解 人地话佢个前菜会自己收钱唔出声 然后waitress就上左3个蕃茄前菜 讲左句：你哋两个人就有一个。咁我地之后咪问系咪跟餐比 我地唔系好食呢样野 可唔可以唔要？佢就黑口黑面咁答：唔系，你哋两个人就有一个，系要另外收钱嘅。然后就收走，收走既时候晦气补左句：唔食都系掉😒
感觉好差 好似局人食前菜咁 暗地里收费 又唔出声 问佢先讲都算喇 佢拎走前菜放番啲碟入去时仲专登制造bang bang声🙄 同事问佢做乜 佢态度劲差㖞👺系我地面前向同事用粗口闹我地
至于入面嘅厨师烧串烧时继续冇戴番口罩 有个仲要咳左一下 疫情期间见到咁样好难会冇反感 食都食得唔安落 你系厨房唔戴我唔知都算 但对住客时做下样戴一阵口罩都要啦 佢仲要整完拎黎上菜时继续唔戴……….😵
以一台客来讲上菜速度好慢 佢有至少四个系负责整野食 自落单后超过半个钟先上齐所有食物
食物质素整体也是一般 豚肉鹌鹑蛋串烧系好食嘅 鸡翼串烧超咸 3个豚肉石锅饭入面 有一锅系硬饭 一锅系正常 一锅系软饭😶 豚肉系切开一粒粒的 质感劲嚡
全间一共见到6个staff 得一个男仔有戴好口罩 值得表扬👏🏻👏🏻👏🏻
系呢间食到我啲家人好唔开心 未上菜已问可唔可以即刻走
以咁嘅价钱 咁嘅服务 食茶记大牌档仲好
食到一肚气 滞到上心口😾 美好周末比佢地搞到冇晒心情
以后唔会再帮衬
4 浏览
0 赞好
0 留言
张贴
