jean may

营业中

休息中

野食无乜大问题，过得去。但收呢个价钱，呢个服务水准就真系好垃圾，好似去左澳洲牛奶公司。话说我book七点钟，message同我讲只可以食两个钟，咁唔紧要啦，唯有快少少食啰。食到八点，出面开始有人等位，佢就系咁催我点甜品，又要我埋单先。个羊架我都未食晒，个waitress问都无问就想拎走只碟。我心谂what is happening?! 我仲有一个钟架㖞！我就问个waitress做咩赶我走，佢话同事搞错左，无同我讲佢地第一轮系六点半开始，八点半就一定要走。我心谂咁到得？但我望住隔离个枱讲英文既食客，佢地早过我黎，唔知系咪因为开左枝红酒，就可以慢慢倾计，而我地识讲广东话既就要俾人赶走呢？我check 返message,个餐厅send msg俾我都系叫我九点走。老实说，每人八百蚊，我相信呢个价钱一定可以揾到间服务同食物质素都高既法国餐厅。如果想体验法式牛奶公司，你就可以黎呢度受苦受难。