竺扶大班燒味

营业中

休息中

我一向间中会帮衬，新开业个阵开头真系唔错，今年夏天时去过一两次，唔知点解长期冇冷气，食到人好辛苦，一系就热到要自己开小风扇，一系就对住个吹风机，食风，净系冷气呢个问题已经唔想去；隔左段时间今日再去，真系o咀，第一，冷气依然弱，天气冇咁热都算，我晚上7:30左右到，我3个人，有卡位佢唔俾我，个个白头发侍应话卡位系6人位，但张枱写住4人坐位，全场唔full ，而且每张卡位坐紧2-4人，加上态度已经麻麻，咁都得，我觉得俾人歧视，我已经差啲想离开，我选择咗忍，我见之后黎嘅人客都系咁，咁多位系要逼人搭枱，即刻谂起微辣茶记秘事，俾人影响咗心情，本身想叫下乳猪、烧鹅髀开心下，即刻冇mood，加上环境真系比之前污糟咗好多，枱枱凳凳都好油，结果求其叫个双并烧味，切鸡、有胳肋底毛！有4条好长好粗嘅鸡毛未掹走，真系烧味舖罕见。有例汤，好咸，好明显冇之前咁足料，饮完好颈渴，有个男侍应执枱，见到佢好求其，啲食客食剩嘅厨余跌晒落地，佢都无动于衷，但系想讲而家间餐厅好污糟。D侍应服务态度&质素都好差，见到帮衬嘅人越嚟越少系有原因的，个人认为，间餐厅可能好快玩完。BTW，我已经唔会再帮衬呢间嘢