豚丼のぶたはげ (德福廣場1期)

营业中

休息中

见咁多人排队，就即管揾日衬唔多人嘅时候试下呢间餐厅。当日唔驶排队就可以入座，带位嘅职员非常有礼貌欢迎客人，我地两个人被安排左系一个三至四人嘅大卡位。我叫左豚肉饭，豚肉调味好夹又唔会咸、豚肉好嫩又多汁、日本米好好咬口又索哂豚肉嘅酱汁，好满意呢个饭我地仲叫左个天妇罗乌冬，炸虾好大只但炸粉唔会太多，虾虾好鲜肉质够实，其他炸物都好热又脆口，乌冬够滑。个茶碗蒸嘅蛋又滑又香，个汤都好多料，绝对唔系得个咸字，有惊喜。个甜品系黑糖寒天，中和番炸物嘅咸味，为今餐划上完美的句号。值得一赞嘅系餐厅环境，干净又卫生，坐得好舒服。成个装修都充满日式风情。另外楼面的侍应都招呼周到，细心留意到客人嘅需要，主动加茶，上菜好快。整体对呢间餐厅都好满意，亦都有一个好愉快嘅用餐体验。