影片
更多
2012-07-29
60 浏览
早前系Groupon买左个2.5 小时半自助餐, 都要 $198/位 及 $388/2位, 另需加10%服务费, 见个餐单有原只鲍鱼寿司 (每人一件), 又有任食美国安格斯西冷牛扒, 系比别家的全放题还要贵, 谂住佢贵d就会比足料啦….买左3个人卷早一日打去book位, 开开心心谂住食餐好嘅, 6点几上到去全场得我地一台, 一个疑似老板娘嘅人比左个冷气唔到, 用把风扇系隔离吹住个头的位我地 , 我地问佢要第2个位佢话今日爆晒得返呢个位 (当时只得我地, 都唔知点解唔肯换个位比我地, 有无搅错), ok算, 咁唯有照坐啦 …..未有野食周围望, 发现墙上挂满大大只字的中文餐牌同价钱, 好似壁报板咁, 好有大排档 feel 跟住就比左个当日食咩个餐牌我地睇 (见下图, 同团购果时登出黎一样架), 佢开始话无 “美国安格斯西冷牛扒”, 今日无货到, 咁我地问佢用咩补返, 佢话无就系无, 无野补上, 咁我话无呢个牛我唔买呢个卷啦, 大家哦左一阵佢就话比返2串牛舌我地补数, 我地问咁牛舌系咪任食, 佢又话唔得.跟住上 “任食前菜”, 又黎话个 “神秘食材” 系无嘅, 我地已经讲 “又无”…..
早一日打去book位, 开开心心谂住食餐好嘅, 6点几上到去全场得我地一台, 一个疑似老板娘嘅人比左个冷气唔到, 用把风扇系隔离吹住个头的位我地 , 我地问佢要第2个位佢话今日爆晒得返呢个位 (当时只得我地, 都唔知点解唔肯换个位比我地, 有无搅错), ok算, 咁唯有照坐啦 …..未有野食周围望, 发现墙上挂满大大只字的中文餐牌同价钱, 好似壁报板咁, 好有大排档 feel
跟住就比左个当日食咩个餐牌我地睇 (见下图, 同团购果时登出黎一样架), 佢开始话无 “美国安格斯西冷牛扒”, 今日无货到, 咁我地问佢用咩补返, 佢话无就系无, 无野补上, 咁我话无呢个牛我唔买呢个卷啦, 大家哦左一阵佢就话比返2串牛舌我地补数, 我地问咁牛舌系咪任食, 佢又话唔得.
跟住上 “任食前菜”, 又黎话个 “神秘食材” 系无嘅, 我地已经讲 “又无”…..咁你张餐单又写….佢就话系无架, 咁就行左去…
枝豆: 一般食到的味, 咸咸地, 正常无特别
日本饺子: 系炸嘅, 脆卜卜, 都ok嘅
烧三文鱼腩: 连皮烧, 好腥
神秘食材: 无供应
刺身: 每人有3片三文鱼, 3片吞拿鱼, 4片章红鱼 – 都算新鲜, 但唔算特别好食, 其实同一般日式料理一样啦
食食下前菜个女人又埋黎讲, 个任食炖汤, 唔系任食嘅, 只可以每人一盅, 跟住行左去…….我地即时讲有无搅错, 虽然我地都未必会饮第二盅, 饮到成肚水, 但唔系任食又做乜写任食, 系咪呃人买卷, 氹人落搭呀, 开始觉得佢全心昆客买卷….
跟住个寿司黎啦, 6款每人一件: 全部寿司饭唔够软身, 有少少似煮饭生米粒, 饭有少少散, 麻麻地
烧三文鱼: 同普通三文鱼无咩分别, 唔觉系烧, 系个面比新鲜的干少少
鳗鱼卷: 用紫菜包住, 有d鳗鱼汁, 但我相信卷左好少鳗鱼, 因为食唔到鳗鱼咁滞
和牛油粒寿司: 无咩印象系咩味
加州卷: 呢个食落好似有少少海胆质感系入面, 几好食
和牛油粒梅子寿司: 好苦, 好难食
带子寿司: 粒带子几鲜味
任食烧物: 全部都系食左一件
黑毛猪: 淋身唔鞋, 整到好似中式叉烧, 个味都有少少似, 只系无咁浓蜜味
猪扒: 一旧肉质算淋的猪扒, 系个面煎香左, 肉系无乜味, 似乎系雪藏货
鸡扒: 同猪扒一样感觉
鸡翼: 又系入面无咩味好淡, 系个面煎香左
烧翠肉瓜: 一般
鸡肉串: 3个人黎得2串, 味一般同出面食差不多
炖汤: 系个中式炖汤, 雪梨雪耳, 意米红枣, 仲有d菰 – 呢个唔觉有咩特别好饮, 同一般中式炖汤无异, 亦唔觉有鲜味, 似一般炖瘦肉汤咁, 团购写佢个汤用河豚炮制, 但系唔见有啰, 亦可能因为无落, 咪无鲜味啰 @@……..呢个就系菜单写任食但系去到就讲只得一人一盅果个
任食天妇罗
鱼天妇罗: 炸得都脆身, 但鱼肉又系无乜味
南瓜天妇罗: 南瓜好甜, 炸得脆身, 最好食呢个
茄子天妇罗: 炸得都脆身, 茄子是好吸油的, 但呢个不会食到一口油, 算唔错.
野菜汤面: 黎左2碗, 好淡, 真系得d娃娃菜同一旧冬菰, 乌冬就好滑, 汤底系白色, 唔知系味鱼汤底, 但成碗野无乜味 , 我地只食左一碗, 另一碗原封比佢拎返走
食到呢度我地都停晒口, 台面d野都食唔晒, 因为唔多好食…..
望见隔离台又系睇果个餐牌, 见佢地个刺身有甜虾, 又有带子, 吞拿鱼, 章红鱼….e 点解有带子咁正, 问个 waiter 佢地个餐系咪同我地一样, 佢话系…..咁问个老板娘点解佢地有呢d我地无, 佢又话隔离个餐同我地唔同, and 头先有立鱼返, 即刻比左我地先, 隔离台无晒立鱼先比呢d 佢地, 咁我食果个究竟系章红鱼定立鱼呢?…..佢见我地有d不满就话补返3只甜虾比我地, 真系3条虫仔 size.
但到我地走时, 见隔离台跟住上的菜同我地系一样, 点会系第2个餐, 近来都系得呢个餐做紧咋嘛, 证明呢间野真系连讲野都乱咁up 求其洒个客就算 @@
无无聊聊睇下个餐牌….oh….我地个鲍鱼寿司呢, 又叫个女人黎问佢个鲍鱼去左边, 佢先话无鲍鱼比左带子啦……..吓, 又无, 佢团购卖点系 “寿司款式包括原只鲍鱼及和牛油粒，选料上乘，绝无欺场”…….我话绝不老实, 非常欺场就真!
补返无任食牛扒果个 牛舌黎啦: 好食, 但系得2串, 每串2片, 系比我地3个人分……由原本任食牛扒变4片牛舌, 呢间野真系cheap都晕 @@
呢餐真系有d庆, 有无搅错呀, 个餐单已经唔多野食, 个价都唔系平, 卖点鲍鱼- 无；安格斯牛扒-无 ; 神秘食材 -又无；任食炖汤-得1盅……..真系不能接受, 分明呃钱, 挂羊头卖狗肉, 揾笨, 乜都无点解唔之前通知人, 我上去前再打上去话而家黎都唔讲, 唔系摆明昆水都无人信!
2.5小时的时间, 我地食左1个钟3个字已经唔想再食, 佢有问我地有咩想加, 加乜呀, 全部贵价少少的野都话无, 得返 d cheap 野, 你地收左人地2旧水一位架, 比野菜乌冬同翠肉瓜, 鸡翼人食过唔过份 d 啦, 无左牛扒好应该比牛舌或其他同级数食物比客人任食返啦, 又想收钱又唔舍得比人食, 不知所谓, 咁做生意客人唔会有下次, 根本间野都无心做落去, 似乎想做乜呢转执笠咁款 !
之前讲话今晚爆满, 无位转比我地, 到我地走时8点啦, 计埋我地全场先得4台客咋, 大把吉台, 咁叫爆满 ?
呢间野, 买左卷的去之前打去问清楚系咪齐晒d野先好去; 无买的, 唔使去, 唔好晒钱, 我去元气食都满足过呢餐, 间野食味好一般但唔平, NOT worth !
张贴
