盈圖

营业中

休息中

同事喺公司附近揾到咗一间粤菜酒楼，佢话装潢确实唔错，想揾一日午饭时间同我一齐过去食午餐，试下𠮶边嘅点心好唔好食。然后我哋就安排咗一个下午过去海富商场食午餐。我哋叫咗几样比较经典嘅点心，然后我仲叫咗一碗鸡饭嚟试下，入面有北菇作为配菜，然后主角鸡肉真系非常滑，好入味，每一啖都可以尝到佢哋嘅调配香味。马拉糕亦都非常香甜，但系唔会过甜，非常适中，口感好软好棉，做得非常好食。然后就系虾饺，每一粒都非常大，份量好足，外皮好薄，亦都唔会影响虾饺嘅口感，虾肉非常之正。水角嘅造型好得意，然后好脆，外皮仲有油香，食咗一啖就停唔落嚟。入面嘅馅料亦都非常好食，好香，好特别，外皮好脆，然后入面好软，非常享受咬嘅过程。我哋食得好饱，精神充沛，又有力继续返公司工作！