深宵食堂

营业中

休息中

部电脑突然间神神地，即刻约个朋友出九龙帮下眼，买过部新电脑作Home office 之用，顺便食餐好嘅。上Openrice 睇咗一阵，拣咗呢间日式居酒屋，近地铁站，食完可以即刻坐返地铁返屋企。一入门口，店员帮我哋量体温同埋比酒精搓手液我哋消毒双手，都唔错。呢度装修几得意，带点日式🇯🇵风格，仲有好多招财猫😺😸。坐低咗，我哋叫咗啤酒🍺同可乐🥤先，买完部电脑又攰又口渴。两个人好兴奋咁点咗八样嘢😂：汁烧白鳝🐟烧鳝系串烧之中我嘅至爱，师傅烧得好靓，热辣辣，外脆入边啲肉好弹牙，好味😋。一口牛🐂肉质唔系入口即溶𠮶只，有啲咬感，有牛肉味，好juicy。盐烧鸡翼🐓叫咗两份🤗，一人一份，唔使争，因为两个都钟意食烧鸡翼，香脆嘅鸡皮，嫩滑嘅鸡肉，一啖盐烧鸡翼，一啖可乐，绝配，超推介👍。盐烧鲭鱼🐟鱼肉厚身嫩滑，配以烧汁食。盐烧秋葵吉列广岛蚝🦪一客有4只大大只嘅广岛蚝，炸得非常松脆可口，我见我朋友，好快食晒佢𠮶两只。枝豆🥗黑松露🧆炒乌冬我好钟意食炒乌冬，第一次试黑松露炒乌冬呢个配搭，弹牙嘅乌冬配以香香黑松露及什菌，唔错㖞。上菜好快，即叫即做，热辣辣，全部都好好味，我哋两个暴风式咁唔使一个钟😆，食完个晚餐，好满足。