Mr. Steak Buffet à la minute

营业中

休息中

马骝们考完试，要放松一下！带佢哋去食自助餐！开心死佢哋！拣系Mr.Steak集团，因为对佢哋嘅自助餐有信心！因为人多关系，所以一早订位！餐厅要求先入数做订金，再传真入数纸作实，我哋订头围，当日准时到，呢间me.steak分店未来过，门口有放公仔秋千，好田园，个个争住影相，之后入座，餐厅安排一排向窗嘅长枱比我哋四家人，唔迫又有海景睇，而且好近食物区（可能早订位）食物种类好多，基本上每款试一啖都饱，最多人嘅一定系生蚝同刺身，而家好多酒店都唔供应生蚝，怕出事，香港人识食咗，唔系只提供一款美国蚝就得，呢度有四款生蚝，而且系即开，店员真系辛苦，无停过手，开蚝区靠墙全部系放生蚝嘅雪柜，写明只可以放生蚝，证明餐厅都好小心处理呢个环节！而且攞蚝时，店员会提醒由左至右食（淡到浓）我通常唔落茄汁，只落少许柠檬汁，好鲜！先食啲冷盘，习惯食少许沙律菜打底，罗马菜爽脆，酱料有几款选择。长脚蟹脚比较少肉，不过配套几好。有齐铰剪蟹钳，方便食客食得方便！刺身有成8款，好新鲜，要赞有埋海胆，而且摆盘靓！增加食欲！平时我自助餐好少食热盘。呢度热盘都好多选择，尤其牛扒同鹅肝。煎得好香口好味！甜品系自助餐嘅灵魂，呢度好好多选