段純貞牛肉麵 (如心廣場一期)

营业中

休息中

两个人，叫咗一碗红烧半肉半筋牛肉面、一客口水鸡拌面、同埋胚芽珍珠奶茶。牛肉面有好多件牛肉，炆得都几腍，但系我唔钟意个汤底，太浓药材味，而且系好浊𠮶只，我食咗两啖就塞咗俾我老公食。口水鸡佢俾咗只鸡髀我，个样都几靓仔，食落都好滑，个拌面上面放咗啲炸过嘅黄豆，脆卜卜，几特别。胚芽珍珠奶茶够浓郁，好饮，不过我拣咗少甜都仲系好甜，如果可以俾客人拣二分糖就好喇。服务都几好，走𠮶阵个个服务员都会同你讲多谢，本来由入坐到离开都尚算满意的，但走咗之后去附近行街，好快就开始觉得好口渴，我平时对味精唔算太敏感，但今次咁快有反应，即系都落得都几重手下，要即刻去便利店买罐可乐饮，舒缓一下不适。唔会再去了。