栢檔極品海南雞飯 (已結業)

又去咗寻找美味嘅海南鸡饭🐔🍚好钟意食海南鸡，知道坚尼地城有间栢档极品海南鸡饭，决定揾日嚟试下，有惊喜㖞😍本身以为系茶餐厅格局，原来系主打海南鸡既专门店嚟，环境非常清新，卫生整洁 ，仲有少少似cafe。唔想谂所以叫咗二人套餐，非常丰富，包两碗汤或者两杯饮品，油菜，海南鸡半只 ，主菜三选一，可以拣卤水元蹄/ 猪颈肉/鱼香肉饼。另外仲有两碗饭，梗系拣油饭啦，香气扑鼻。海南鸡嘅鸡肉好爽滑，鸡味浓郁，水准十分高。鱼香肉饼煎得香脆，食唔停口。是日靓汤好足料，有南瓜，红萝卜，粟米 ，猪肉， 我连汤渣都食埋。❤️❤️ 食物，环境同服务都好好，一定会再嚟😍