桃園眷村 (已結業)

上次经过朗豪坊，见到呢间桃园眷村，原来喺上海好出名，系一间卖台式古早味早餐嘅铺头，食下粢饭，豆浆同烧饼，不过上次book左餐厅冇去，今晚就专程黎试下先。先喺门口点野食，之后拎埋个电子取餐通知器就可以揾个靓位坐低等等喇。店内布置好似文青咖啡店咁，细心留意可以见到装修嘅细节流露出台湾怀旧嘅味道。原木色嘅枱櫈，纯白色嘅摆设，衬埋一道灰墙，满满嘅台湾文青气氛。呢个系出餐嘅位置，好干净👍食物嘅种类可分为四大种类，粢饭，豆腐花，烧饼同饮品。虽简单，但有唔同口味选择。我地叫左粢饭，2个烧饼，1个咸豆花，1杯豆浆1杯茉香洛神赋。后来拎餐时就担心食唔晒喇，因为份量都唔系细小。其实原本谂住同老公一人一份粢饭烧饼，但猪未试过食咸豆花，完全不能够想像系咩味，所以就order左一碗试下。豆腐花面有菜脯、虾皮、紫菜、葱同脆卜卜嘅油炸鬼粒，带有辣油。猪觉得都几有趣，味道系咸香，紫菜嘅味道令猪谂起章鱼小丸子，再撞上豆花软滑同非常脆嘅油炸鬼，觉得得意。而老公就认为自己食唔惯，都系钟意平时食开嘅豆腐花。呢款系辣味嘅烧饼，叫功夫辣鸡腿烧饼，食落都几香口惹味，好似板烧鸡腿。而猪扒蛋烧饼，个煎蛋都几靓，猪扒调味方面唔咸，可加重