海雲天

营业中

休息中

第3次去海云天食点心放题，上网睇以为去果日已经变咗芝士主题，但都仲系芫荽主题，可能系因为帮衬第2日已经要暂时关闭到2月24日先开番，而家餐厅真系唔易做，以为系酒店会好啲，所以想食真系要把握机会食。一如以往，如果想要坐海景窗口位，请务必早到，位置唔多。果日去仲系有分c区d区，冇影定针纸柜台仲话唔知安唔安排到窗口位（但我明明第一个到），好彩最后都安排到。现场见到职员唔少都戴两个口罩，或kf94，防护都算系咁。芫荽主题我觉得一定要叫芫荽烧卖，因为好大粒，肉汁饱满，平时酒楼系顶点嚟。芫荽鲜竹卷：汤头芫荽味浓，同鲜竹卷好夹。叫芫荽牛肉球嘅时候留意系用份，而其他系用粒，我就叫错咗4笼，以为系4粒。鲜虾苋菜饺比芫荽虾饺出色，虾饺冇咩芫荽味，可能惊客人觉得太浓味，毕竟有人比较讨厌食芫荽。而鲜虾苋菜饺入面苋菜份量多，食落口感丰富。芝士挞：不过不失每人会附送一碗灌汤饺，入面有鲍鱼仔。椒盐豆腐好脆口，一份份量都多。我叫咗90分钟点心放题，大概可以点菜时间为60分钟，一入坐即刻计算，临走前会有职员埋嚟收茶钱，就算喺购票平台比咗package钱都要再畀嘅。