皇甘栗鮮炒乾果專門店

营业中

休息中

之前已经专诚黎食呢间凉果店嘅雪糕，真系一次难忘，早几日咁啱经过大埔墟，咁梗系要入去再食雪糕啦。第一杯雪糕嗌咗陈皮口味，上次试咗话梅口味嘅雪糕，所以今次试吓其他凉果嘅口味。呢个陈皮口味嘅雪糕非常特别，食落去有粒粒陈皮，甜得来又有咸咸地嘅味道，喜欢食陈皮嘅朋友可以一试。第二杯雪糕就点咗栗子口味，虽然话栗子口味系人气嘅雪糕，但系食落去就比起其他凉果口味嘅雪糕冇咁特别。有栗子味嘅，但系比想像中更加清淡。呢度嘅雪糕系可以配唔同嘅雪糕筒，我就拣咗朱古力威化糖，威化筒十分香脆，而且厚度适中，所以大家嚟嘅时候都一定要试一试呢度啲威化筒🍦。