芋圓圓 (已搬遷) 新店位置

爱丽丝好钟意食芋圆，但自从中过几次伏之后，深明今后食芋圆只可以去番专门店食，平时经过开芋圆圆咁多次都因为太饱直行直过，就趁今次未饱试一试佢～～～😋😋夜晚8点几钟晚饭时间，谂住实有位啦，点知入面8个位完全坐满😱唯有一边排队一边睇下舖头入面有咩食啦～点知店员冇提示加上冇留意到店外有个牌写住「先买野食后等位」，搞到本身好快有位，但就俾人迟来先上岸坐低左😑依一点可以做好少少👀最后等左大概10-15分钟终于有位～最后嗌左黑糖桂圆芋圆，因为一心系想食芋圆，所以都冇对个糖水底好有期望。糖水都系一般野，配料有桂圆同雪耳。本身排队见到入面有人整紧芋圆，已经令爱丽丝更加兴奋😍果然冇令我失望！芋圆烟烟un un，竟然冇用糯米粉制造😲紫薯、南瓜同芋头味都非常浓郁，每只味有大概三至四粒。佢仲俾一般舖头既大粒，软硬度适中，食芋圆最怕食中中心实的的煮未熟既🤢见到隔离位份芋圆糖不甩好似仲多啲芋圆，下次要嗌黎食先得🤤🤤Ps：原来佢地即将搬去对面大舖，恭喜恭喜！舖头虽然细细间，但一路食一路食客不断，听到新舖有成廿张枱😲😲都几大间啵，希望新舖可以keep住质量啦👍🏻👍🏻