芋圓圓 (已搬遷) 新店位置

星期六去開太子，就試下芋圓圓，一聽名就知一定要食芋圓，六點入去咁岩仲有一張枱，睇完menu 要自己去櫃枱order 野食，叫左喳咋芋圓同黑糯米芋圓。個糖水底好足料， d 喳咋勁多豆，好飽肚， d芋圓一試，勁煙韌， 煙韌控一定要試。 仲要碗糖水差不多有二十粒芋圓，抵食，一定再encore

芋圓圓的芋圓真的非常好吃！煙煙韌韌，有嚼勁又不失軟糯口感。非常棒！而且紫薯芋圓真的吃到淡淡紫薯香，令人回味無窮！吃得出啖啖都是心機製作。糖水也出色！紫米露不會過甜，紫米的軟糯食感與芋圓相映趣。仙草芋圓直頭出色得過份！紅豆大顆、仙草濃稠，配上花奶真是工作過後的超級 comfort food！芋圓圓標榜不用糯米粉，是不是因為這樣特別好吃？每碗糖水已包括各款芋圓、地瓜圓等。一向是芋圓 Big Fans! 對於煙煙韌韌的口感完全無抵抗能力。可是坊間的芋圓浸超多糖水，甜到令人覺得過份。而且有些會過硬，又沒有芋頭香。所以甜度剛好又好吃的芋圓圓，真係值100分！

愛麗絲好鍾意食芋圓，但自從中過幾次伏之後，深明今後食芋圓只可以去番專門店食，平時經過開芋圓圓咁多次都因為太飽直行直過，就趁今次未飽試一試佢～～～😋😋夜晚8點幾鐘晚飯時間，諗住實有位啦，點知入面8個位完全坐滿😱唯有一邊排隊一邊睇下舖頭入面有咩食啦～點知店員冇提示加上冇留意到店外有個牌寫住「先買野食後等位」，搞到本身好快有位，但就俾人遲來先上岸坐低左😑依一點可以做好少少👀最後等左大概10-15分鐘終於有位～最後嗌左黑糖桂圓芋圓，因為一心係想食芋圓，所以都冇對個糖水底好有期望。糖水都係一般野，配料有桂圓同雪耳。本身排隊見到入面有人整緊芋圓，已經令愛麗絲更加興奮😍果然冇令我失望！芋圓煙煙un un，竟然冇用糯米粉製造😲紫薯、南瓜同芋頭味都非常濃郁，每隻味有大概三至四粒。佢仲俾一般舖頭既大粒，軟硬度適中，食芋圓最怕食中中心實的的煮未熟既🤢見到隔離位份芋圓糖不甩好似仲多啲芋圓，下次要嗌黎食先得🤤🤤Ps：原來佢地即將搬去對面大舖，恭喜恭喜！舖頭雖然細細間，但一路食一路食客不斷，聽到新舖有成廿張枱😲😲都幾大間啵，希望新舖可以keep住質量啦👍🏻👍🏻

舖頭雖小，但五臟俱全，傍晚放工，慕名而來，吃個窩心甜品才回家去，那裡芋圓出名，甜品糖水種類多。和同事坐在小小枱櫈，氣氛相當良好，是不是更有客人來買外賣，真係好生意，最後我亦買一盒冰鮮芋圓回家，自己煲和家人分享來吃。

因為在附近食晚飯, 飯後好想食甜品, then searched by openrice, 就見到距離自己2分鐘路程有間甜品度, 而且口啤不錯, 一到門面, 已有頗多人, 有些是外賣, 如果想堂食, 則要登記, 並且在登記時, 便要決定食甚麼了, 可想而知, 生意很好等了10分鐘左右, 便可入座, 初時以為芋圓一定加了粫米粉, 後來望到店舖貼了1張紙, 寫明不含糯米粉, 當堂好感大增, 果然, 入口真係煙煙韌韌, 好好食。但我要老實評一下佢地的糖水底, 只係一般貨色, 不差但也不能說好, 合格而已。

在旺角吃過晚飯後，今晚特別想食甜品，就行左去已經食過幾次專食芋圓既甜品鋪-芋圓圓。是日很好彩不用排隊，有位就即坐。我同老公都叫左椰汁西米露$28蚊，最鍾意佢椰汁西米露入面有芋頭，食落粉粉的，內裹有幾種芋圓，粒粒真材實料，好q彈，我可以話食過咁多間芋圓，呢間最好食

呢間小店，食過好幾次，因為間鋪太細，等位又熱又辛苦，所以今次決定買返屋企自己煮。一盒生芋圓，有分大盒細盒，大盒好似係$90 ，我買咗盒細嘅$50 ，買完先發現原來份量好少，我估只可以煮到四碗糖水，每碗八粒（但係佢寫住應該有大約60粒🙄）⋯⋯咁即係買返屋企煮冇乜特別着數，堂食佢煮埋唔使煩，都係加兩蚊一粒之嘛。性價比來講，份量偏少，確實有啲失望。佢哋嘅芋圓標榜無添加，全部天然材料，奇怪嘅嘢發生，點解我用清水煲嘅時候會煲到成煲水變咗藍色呢？😱😱😱😱啲芋圓會發脹左之後縮返細，好似做緊科學實驗咁雖然係變咗藍色水，但係「煙煙un un」嘅口感我個人好鍾意，唯有照食，配埋自己整嘅椰汁芋頭西米露，好食過堂食（講真佢嗰度啲糖水底好一般）

我平時都有間中食開，味道的確係唔錯嘅，芋圓都幾好食，雖然係硬咗啲，所以今次我一開始就同佢講話少芋圓，咁我心諗佢應該會放返多啲西米，冇理由成碗野真係少左啲芋圓，然後成本野都真係少咗㗎。今次有啲出奇嘅係，平時佢一收到order就即刻整，今日佢係雪櫃攞出黎，好少西米，成本野一半都冇，明顯係一早整定左，然後同我講話而家即刻有，叫我等一下，之後我以為佢會放返多啲西米，點知佢就咁放左幾粒就收工。 我諗我下次要講明，少芋圓，多西米！☹️我返到屋企見到咁樣，真係眼都得埋，真係夠膽死成碗野俾一半我，食嘢最怕就係食得好唔滿足。

好少寫食評，但真係要介紹下。依間芋圓真係全港最好味，唔會甜到漏，芋圓煙un , 價錢28蚊合理！ 次次買都有好多人等緊，食左半年有多品質保持水準，隔3-4日總會幫襯，個人口味紫米露芋圓真係世界級！

芋圓圓原是在Instagram 賣芋圓，後來在太子開了實體店，店舖雖位於偏僻的小巷中，但店外人龍不斷，足見其人氣居高不下。作為芋圓迷，當然不能錯過、要前來一嚐。有2大提醒給大家:1. 預留至少30分鐘(由排隊、下單到取糖水)2. 店內座位不多 外賣比較好有不同款式糖水供大家選擇，全部預設為加了芋圓的，但偏偏我比較倒楣第一天來買「蕃薯糖水芋圓」，滿心歡喜回至家一打開，一顆芋圓都沒有然後蕃薯煮的不夠久，還有點硬，糖水更加薑味、蕃薯味欠奉，完全沒味道，超級失望。第二天決定多給一次機會（因為沒有嚐過主角芋圓），買了「紫米露芋圓」，跟店員反映了前一天漏給芋圓，他們很好的幫我減回差價。紫米露明顯較蕃薯糖水好，至少材料充足、有味道，雖然還是稍欠香味、偏淡，但主角不是它就不為難它了。芋圓的確沒讓人失望，口感較韌、大粒，咬下去芋頭、紫薯、黃蕃薯的味道非常足。味道不錯，但個人比較偏好口感更軟一點的芋圓。總的來說，值得來嚐一次。如果人龍少一點，我才會考慮再來。

近年芋圓在香港漸漸流行起來，留意到原來芋圓風潮已經開始在世界各地擴散開來，早前看節目亦發現原來芋圓在日本也非常受歡迎。昨晚來到的是人氣店芋圓圓，週日的晚上時段門口排著長長的人龍，大多都是買外賣，堂食的反而比較少。甜品有冷熱可以選擇，熱的等候時間大約需要半個鐘，冷的會快一點。而每款甜品均有芋圓，所以只需選擇搭配的糖水就好了。我選了西米露，其實併甚麼也不是重點，因為來得芋圓圓的客人都是衝著芋圓而來。不過值得一讚的是西米露裡面分別有大小西米，令口感更豐富，雖然只是西米露只是配角，但也一點也不馬虎，有好好完成它們的角色。說起來真是失禮，這是我頭一次吃芋圓，芋圓那煙韌軟糯的口感，使我吃過一次就愛上了！

▪️黑糖桂圓▪️$28▫️西米露▫️$28呢間店主打芋圓，每款糖水都有芋圓，而且數量唔少。芋圓係非常有咬口，正正方方嘅形狀，煙韌。👧🏻：食過幾次，試過唔同嘅糖水，我覺得係偏甜，唔夠香，冇芋圓一齊食，我應該食唔到半碗。而芋圓唔同味道偏淡，偏韌，會咬到牙交軟，台灣嘅芋圓一般主張Q彈，即係有咬口又有少少煙韌彈牙。我唔會鍾意淋嘅冇咬口嘅芋圓，但呢間做得太誇張。食過熱同凍嘅version，凍嘅真係韌得太誇張，熱嘅口感對於我黎講perfect，係好食嘅🤭👦🏻：口感好好食，好鍾意芋圓似珍珠咁，咁有咬口，第一次覺得芋圓好多夠食，依家覺得再多d就好啦😬。平時唔鍾意芋頭味，但佢嘅芋頭味芋圓又真係好好食。我鍾意食芋頭西米露，因為佢嘅椰味唔會太重，但好香，仲有一粒粒芋頭。番薯味嘅芋圓都好有番薯味，好好食😋

聽聞呢間芋圓已經有一段時間，但之前一直都夾唔岩佢既開店時間，所以未有機會試。今晚係附近食完說，終於可以一試。都幾多人排隊，得8個位，所以都係外賣為主。先落單俾錢的。order 左個黑糖桂圓，已經包左3色芋圓。糖水不太甜，本人就覺得岩岩好。3色芋圓分別有蕃薯，紫薯同芋頭（如果無記錯的話)除左好QQ，同好好味，已經唔知點形容好了。因為已經急不及待要KO 佢。

明白店舖空間非常有限，但要先落單付款才可以安排等位真是第一次遇到，加上這種經營模式並沒有提升效率，店主更一直對食客面露悦，食物再美味也難免令人扣分。芋圓是現場即製的，口感味道相當不錯，但糖水只是一般。

聽講呢間店係由又ig shop變實體店，幾有人氣～我地到的時間近晚上十時多，鋪頭喺轉角位，離遠已見到好多人排隊買外賣，條隊都流水式好快店內都坐滿人。離遠已經見到門口好多人😱對於食太多糯米會胃痛的我，呢樣即刻加分冷藏的芋圓，嫌唔夠喉可以買一大包芋圓回家自己煮～芋圓總評：每碗都有芋圓、地瓜圓、紫薯圓，每款約四粒，而加$2可試埋抹茶、芝麻味。煙韌的程度適中口感唔錯，唔係淨係一團粉！椰汁西米露芋圓 － $28我地原本想叫紫米露，但睇過評論話好甜，唔係好食到芋圓有啲咩味😂所以就要了西米露，好彩無揀錯！味道相當濃郁，入面有芋頭粒*V*西米露超足料，杰身的。鮮奶椰汁桃膠芋圓 － $32除左有美顏的桃膠，入面有桂圓、蓮子同紅棗，好滋潤呀。鮮奶椰香味幾足，糖水唔算太甜，唔會搶咗芋圓味！不過我試左西米露果款再繼續食呢款，相比之下即刻淡味左哈哈～注意有桃膠會貴點，不過都幾好食，多了份層次感！－總括黎講28蚊碗算係好抵食！通常芋圓店都係傳統仙草芋圓...咁樣配中式甜品比較少見，值得一試！溫馨提示： 鋪頭營業時間係5-11pm，再預番少少時間排隊啊:>