影片
更多
2022-10-15
337 浏览
朋友话想食omakase，但我又唔系好想食过千蚊，所以决定食lunch，食平啲啲~佢就带我嚟呢间旺角嘅小店，睇睇餐牌lunch omakase最平$290，哗 平到咁！拣咗$390嘅试吓质素先～餐厅细细间无太多座位，静静地，都唔错，不过一定要订位，好快full！前菜七味大豆芽同柚子醋沙律，一辣一酸，开开胃先！跟住有新鲜蒸起嘅松叶蟹肉蒸蛋，香滑嘅蒸蛋有上一丝丝蟹丝。三款特上刺身，我都好钟意！炙烧过嘅金目鲷系背位，口感带点烟韧，衬埋下面烟雾离漫嘅植物盆景，打卡一流。慢煮一个钟嘅𩽾𩾌鱼肝，无腥味，带点香甜，口感细滑。烟熏嘅鲣鱼，一开盖烟雾轻飘，软腍鱼肉配上自家制洋葱汁，上面放咗一啲茗荷，而我最钟意嘅就系紫苏花，多一抹清新香气。刺身之后先食返甘露煮嘅青桃同埋无花果清清口腔味道。再嚟七款手握寿司：鲜赤贝、蜜甘鲷、甜虾、车海老、秋刀鱼、拖罗、白海胆，同埋拖罗手卷，每款都已经调味，唔驶再蘸豉油喇~面豉汤偏咸。最后以宇治抹茶布甸作结，香滑又有茶香味，加埋大大粒嘅北海道红豆同金箔装饰。好抵食嘅omakase，有机会要试埋dinner先得！
餐厅细细间无太多座位，静静地，都唔错，不过一定要订位，好快full！
前菜七味大豆芽同柚子醋沙律，一辣一酸，开开胃先！
跟住有新鲜蒸起嘅松叶蟹肉蒸蛋，香滑嘅蒸蛋有上一丝丝蟹丝。
三款特上刺身，我都好钟意！炙烧过嘅金目鲷系背位，口感带点烟韧，衬埋下面烟雾离漫嘅植物盆景，打卡一流。
慢煮一个钟嘅𩽾𩾌鱼肝，无腥味，带点香甜，口感细滑。
烟熏嘅鲣鱼，一开盖烟雾轻飘，软腍鱼肉配上自家制洋葱汁，上面放咗一啲茗荷，而我最钟意嘅就系紫苏花，多一抹清新香气。
刺身之后先食返甘露煮嘅青桃同埋无花果清清口腔味道。
再嚟七款手握寿司：鲜赤贝、蜜甘鲷、甜虾、车海老、秋刀鱼、拖罗、白海胆，同埋拖罗手卷，每款都已经调味，唔驶再蘸豉油喇~
面豉汤偏咸。
最后以宇治抹茶布甸作结，香滑又有茶香味，加埋大大粒嘅北海道红豆同金箔装饰。
好抵食嘅omakase，有机会要试埋dinner先得！
张贴
