Saravanaa Bhavan (已搬遷) 新店位置

呢日同个friend落老尖shopping,行到咁上下又系食晏时间，佢话带我试吓新口味…印度素食，咁我哋就嚟咗呢间座落喺雅士尼中心4楼嘅Savannah Bhavan。有别于一般食肆，打开大门做生意嘅风格，我哋搭䢂上度嚟，见到一个写满印度文嘅水牌，跟住推开道平平无奇嘅木门，先至见到间餐厅。没有我想像中一般印度食肆别饶传统风味嘅华丽布置，反而像踏足一间平民食堂。只见四周食客都系印度人，咁反而增添我对呢度嘅食物嘅信心，因为一定够地道。天口咁热，先来杯石榴汁消消暑气，现搾现饮，少少甜冇加糖，够新鲜，够健康。跟住嚟个小食：蔬菜咖喱角，咖喱角主要馅料系青豆同香料薯仔，一啖咬落外皮酥脆，再沾一沾酸甜酱同香草薄荷酱，丰富口味前所未有。再上嘅腰果炒饭，系用印度香米配金黄嘅炸腰果再加上印度香料炒成，炒饭带少许微辣，不过非常可口，再配上加咗青瓜同红洋葱嘅乳酪汁，好味层次又再提升。啱啱烘好嘅洋葱烤包热辣辣上枱，食落烟烟韧韧，包入面有新鲜嘅紫洋葱同香草，口味够晒清新。估唔到印度素食都有咁多选择同口味，下次嚟一定要叫多几款唔同嘅菜式。