尚盛潮州海鮮飯店

未食前早几日已Book咗七点未够七点已到，刚到嘅时候，俾咗个蛋糕侍应，侍应同我反映冇枱号唔识得放好蛋糕？？若果我订咗位点解唔可以直接摆喺雪柜？book咗枱都冇用，啲位全部俾晒人，搞到长辈要企半个钟先有得入座。咁我book位嚟做乜？同侍应反映，完全冇结果，冇一个人俾到位我地，反而佢哋自己开始喺度闹交。生日饭冇得即刻再揾餐厅，唯有硬着头皮等。期间冇人嚟交代，又叫我哋六个人坐二人细枱。我哋唔制，先肯换返张枱俾我哋。叫嘢又漏单，食到一半先有茶，鹅肝非常干唔好食，胡椒猪肚清水汤。大部份嘢只系正正常常，冇乜特别。只可以话喺中环嚟讲算系平。想谷气就嚟呢度，包你得到你想要嘅嘢。由头到尾冇人同我哋认认真真咁道歉，我唔系净系赚返张枱食饭，我系想好好地庆祝。亦都寄予老板一句，生意唔系咁样做，原本谂住新店支持吓，以后唔会再嚟。失望。