影片
更多
2024-04-24
537 浏览
食得日本A5和牛烧肉，预咗一定唔会平，今次斋计食唔计饮人均$800 ，有质有量，同样嘅价钱，喺出边好多高级烧肉店都系食唔饱嘅，人哋过千蚊一个set，胜在打卡靓仔，呢度好实际，零摆盘，要影靓相真系好考功夫，摆碟冇花冇草冇任何多余嘢，只系有肉，上网做吓功课，就知道呢个系Luigi 嘅卖点，完全不卖弄花巧。有咩好食？其实佢Menu唔多嘢拣，最靓嘅A5肉眼、西冷、chateaubriand、仲有28日dry age 全部唔会令人失望，网上推介「和牛月见金砖」同埋生牛肉 toast ，呢个厉害啦，和牛他他配即刨嘅 parmesan cheese 同点到即止嘅鱼子酱，仲要超值$90有两件，啲Cafe求其食个面包加果酱都收你$40，呢个真系必吃！之后想嗌佢几个丼饭试吓，有个和牛卤肉饭好想试，不过咁啱冇，侍应建议先嗌其中一个share，咁就拣最贵嘅真理丼，里面有和牛、仲有鱼子酱、黑松露、海胆、同埋日本蛋黄，食完就真系知道乜嘢系丼饭嘅真理，顺带一提，佢哋有个自助酱料区，有啲大蒜、葱盐，攞嚟捞饭超正，仲系任攞㗎，攞咗就唔好嘥，一定要食晒唔好浪费。最后，回应吓前po，绝对认同佢哋服务系超劲好，虽然话自己烧价
有咩好食？其实佢Menu唔多嘢拣，最靓嘅A5肉眼、西冷、chateaubriand、仲有28日dry age 全部唔会令人失望，网上推介「和牛月见金砖」同埋生牛肉 toast ，呢个厉害啦，和牛他他配即刨嘅 parmesan cheese 同点到即止嘅鱼子酱，仲要超值$90有两件，啲Cafe求其食个面包加果酱都收你$40，呢个真系必吃！
之后想嗌佢几个丼饭试吓，有个和牛卤肉饭好想试，不过咁啱冇，侍应建议先嗌其中一个share，咁就拣最贵嘅真理丼，里面有和牛、仲有鱼子酱、黑松露、海胆、同埋日本蛋黄，食完就真系知道乜嘢系丼饭嘅真理，顺带一提，佢哋有个自助酱料区，有啲大蒜、葱盐，攞嚟捞饭超正，仲系任攞㗎，攞咗就唔好嘥，一定要食晒唔好浪费。
最后，回应吓前po，绝对认同佢哋服务系超劲好，虽然话自己烧价钱会平啲，以为会冇人理你，但系佢哋会走埋嚟提吓你点烧最好食，另外仲有个烧烤操作手册可以参考吓，至于烧完会唔会大阵味，啲A5和牛油脂咁重，烧嘅时候系有少少烟升上嚟，我谂呢个系正常嘅，但系唔会大味啰，唔明点解有人冇烧过，就话会有味，我睇完𠮶篇食评，都有窒一窒，好彩自己嚟食过，真相大白。
总括嚟讲，系CP值劲高，见隔篱枱有澳门专程嚟帮衬嘅，有半个场啲客都系讲英文，又有艺人，呢个真系 hidden gem！唯一有少少意见嘅，系唔近地铁站，唔方便我呢啲唔揸车嘅人，不过揸车嘅朋友就超like门口有咪表位。
最最最后，佢哋门口有个好特别嘅衣柜位，除咗挂外套，攞住大袋战利品嘅都可以放入去，咁就可以烧得尽情尽兴，唔使放喺座位隔离阻住晒。
张贴