影片
更多
2024-05-10
950 浏览
呢日同一班老友走咗去九龙酒店龙逸轩食怀旧菜，真系食返到细个嘅味道个个都食得好满意。呢个怀旧宴有10个菜大食如我都捧住个肚嗌饱走！第一味系大红香芒乳猪好有去饮嘅感觉，香脆嘅乳猪油分好够配酸酸甜甜嘅芒果食落去冇咁油腻感觉都几得意。炖汤系菜胆螺头炖海参，入面有成条海参真系好鬼慷慨！加埋菜胆、螺头同埋鸡脚呢啖汤系好鬼香甜呀。桂花炒鱼翅整得好干身唔会油淋淋！入面仲有新鲜嘅蟹肉口感同味道都好得。跟住呢个砵仔焗鱼肠系我老婆大人嘅飞佛！蛋焗得好甘香加埋鱼肠整得干净冇腥味，呢个焗鱼肠味道系唔错嘅。香煎美国生蚝够晒肥大厚肉，炸到香香脆脆咁加埋鲜味点都好食嘅。呢碟枝竹豆腐炆海星斑我哋咁多人都一致赞好！炆得好入味鱼肉又香滑，侧边嘅枝竹同埋豆腐都系正嘢嚟㗎手快有手慢无。呢个碧绿虾子柚皮真系劲怀旧嘅手工菜！净系揸柚皮都要用几日时间，呢个柚皮整得好松化又冇涩味，加埋啲咸香虾籽同埋个芡汁真系好高质。古法八宝鸭又系巧手菜之一！去咗骨嘅鸭入面酿咗啲咸蛋黄、莲子、薏米同埋糯米，跟住炆到好酥香配埋个浓郁嘅酱汁真系好味道。最后仲有两个甜品！一个系莲蓉西米焗布甸另一个就系怀旧芝麻卷，食到太饱嘅关系甜品就意思意思食少少算！不过两个
呢个怀旧宴有10个菜大食如我都捧住个肚嗌饱走！第一味系大红香芒乳猪好有去饮嘅感觉，香脆嘅乳猪油分好够配酸酸甜甜嘅芒果食落去冇咁油腻感觉都几得意。
炖汤系菜胆螺头炖海参，入面有成条海参真系好鬼慷慨！加埋菜胆、螺头同埋鸡脚呢啖汤系好鬼香甜呀。
桂花炒鱼翅整得好干身唔会油淋淋！入面仲有新鲜嘅蟹肉口感同味道都好得。
跟住呢个砵仔焗鱼肠系我老婆大人嘅飞佛！蛋焗得好甘香加埋鱼肠整得干净冇腥味，呢个焗鱼肠味道系唔错嘅。
香煎美国生蚝够晒肥大厚肉，炸到香香脆脆咁加埋鲜味点都好食嘅。
呢碟枝竹豆腐炆海星斑我哋咁多人都一致赞好！炆得好入味鱼肉又香滑，侧边嘅枝竹同埋豆腐都系正嘢嚟㗎手快有手慢无。
呢个碧绿虾子柚皮真系劲怀旧嘅手工菜！净系揸柚皮都要用几日时间，呢个柚皮整得好松化又冇涩味，加埋啲咸香虾籽同埋个芡汁真系好高质。
古法八宝鸭又系巧手菜之一！去咗骨嘅鸭入面酿咗啲咸蛋黄、莲子、薏米同埋糯米，跟住炆到好酥香配埋个浓郁嘅酱汁真系好味道。
最后仲有两个甜品！一个系莲蓉西米焗布甸另一个就系怀旧芝麻卷，食到太饱嘅关系甜品就意思意思食少少算！不过两个味道都唔错好鬼满足呀。
张贴
