鳥山名

营业中

休息中

早两日食完日本拉面，意犹未尽，今晚再去荃湾愉景新城嘅“鸟山名“食日本菜。我哋二人咗先叫咗个三文鱼花之恋丼$95。 本人食丼其实主要系寿司醋饭多过面头嘅料， 寿司醋饭加入日本豉油大啖大啖摆入口十分满足 ，哈哈。呢一个性价比都足够，一百蚊有找。如图所示中间有好大份三文鱼籽，嚟捞饭一流。 三文鱼色泽都几靓，食落口都几新鲜。然之后叫咗个 雪花牛肋条地狱火锅$150，大大煲之余仲有我最钟意食嘅韭菜，仲有大量嘅蔬菜。 最值得赞既系个汤底 ，入口辣得嚟唔会抢口， 我本身唔系太食到辣嘅都饮晒一大碗汤，牛肋条嘅牛味亦无被汤底喧宾夺主。除此之外我哋仲叫咗个煎饺子$42 ，饺子皮非常松脆 。两个人一饭一锅咁样叫法 ，食晒就刚刚好。其实餐厅个餐牌仲有好多其他嘅食物，可惜未能尽录，有机会再去一试究竟。