影片
更多
2021-09-23
979 浏览
天外天位于hotel icon嘅28楼，坐拥180度维港景，景色一流，而且餐厅非常宽敞，同隔离枱有一定距离，坐得非常舒适。不过如果系为咗食物同服务嚟嘅话，可能会有啲失望，个人认为呢间餐厅除咗景色之外，冇乜太大惊喜。先讲服务，可能人手太少，见到佢哋三个人要照顾五张枱，未免有啲手忙脚乱，waiter A呢头摆低酒杯，waiter B又会帮你收返酒杯，毫无默契。而且上菜速度亦都唔系根据客人食嘢嘅速度而定，明明食紧前菜，无啦啦又上咗主菜，又或者等第二道菜嘅时候要等15分钟，又快又慢嘅上菜速度好难拿捏。食物方面亦都未见惊喜，普通中餐厅嘅质素。我哋食咗佢嘅set menu + wine pairing。前菜有辣椒酱带子，鲍鱼挞同埋叉烧。带子系冻嘅，有少少奇怪。叉烧皮脆肉嫩，虽然未做到表皮焦脆，但系微暖嘅叉烧真心唔错。鲍鱼挞嘅鲍鱼可能我唔识货，但应该系普通罐头迷你饱。主菜嘅片皮鸭嘅饼皮做得唔错，不过稍嫌佢嘅sauce 偏甜，抢晒片皮鸭嘅味道。玻璃虾球好好食，煮得非常香口惹味。正当全晚都好失望嘅时候，竟然炒饭有惊喜。蟹肉炒饭非常足料，吵得非常干身，系全晚嘅重点之一。杨枝甘露似系食紧椰汁西米露，如果落多
不过如果系为咗食物同服务嚟嘅话，可能会有啲失望，个人认为呢间餐厅除咗景色之外，冇乜太大惊喜。
先讲服务，可能人手太少，见到佢哋三个人要照顾五张枱，未免有啲手忙脚乱，waiter A呢头摆低酒杯，waiter B又会帮你收返酒杯，毫无默契。而且上菜速度亦都唔系根据客人食嘢嘅速度而定，明明食紧前菜，无啦啦又上咗主菜，又或者等第二道菜嘅时候要等15分钟，又快又慢嘅上菜速度好难拿捏。
食物方面亦都未见惊喜，普通中餐厅嘅质素。
我哋食咗佢嘅set menu + wine pairing。前菜有辣椒酱带子，鲍鱼挞同埋叉烧。带子系冻嘅，有少少奇怪。叉烧皮脆肉嫩，虽然未做到表皮焦脆，但系微暖嘅叉烧真心唔错。鲍鱼挞嘅鲍鱼可能我唔识货，但应该系普通罐头迷你饱。
主菜嘅片皮鸭嘅饼皮做得唔错，不过稍嫌佢嘅sauce 偏甜，抢晒片皮鸭嘅味道。
玻璃虾球好好食，煮得非常香口惹味。
正当全晚都好失望嘅时候，竟然炒饭有惊喜。蟹肉炒饭非常足料，吵得非常干身，系全晚嘅重点之一。
杨枝甘露似系食紧椰汁西米露，如果落多几粒芒果同柚子感觉上会好啲。值得一题系佢嘅美点双辉，桂花糕好清新，而且合桃酥非常好食。
我哋两个人买单大概$3000 ，但以咁嘅质素，真心有啲失望，唯一可取系景色一流。
张贴
