Misu Seafood Cuisine

营业中

休息中

家姐就黎生日，想揾D 比较好，又坐得舒服D 嘅餐厅，当然我唔介意比贵少少喇。系Openrice见到Misu的食评唔错，所以过黎试下。餐厅环境好舒适，门口就系一个大鱼缸，养住d新鲜食材，另外坐位望向山，好舒服。我地叫左个精选套餐$288/位~时令野菜沙律~有沙律菜，青瓜丝，仲有蟹籽仔，捞埋日式胡麻酱，好开胃。新鲜南非矶煮鲍鱼配鲍鱼肝酱~鲍鱼真系好似溏心鲍鱼咁，而且好嚼口。如果再加埋鲍鱼肝酱，更加突出鲍鱼本身的鲜甜味。面豉汤~面豉汤里面有两只蚬，蚬肉无沙，好新鲜好甜。刺身三款~三款都好新鲜，刺身系厚切，口感好丰富。寿司盛合六件~鲷鱼、炙烧三文鱼、甜虾等，寿司上的鱼生新鲜，寿司醋味同黏度刚好，令寿司完整不松散。宝云酥羊架~有三件，唔洗太用力就可以切开，都已知羊架够淋。切开后入面充满肉汁，羊架肉质好嫩，外层脆脆，调味得宜，再配以沙律食用岩岩好，最推介呢个羊架。