影片
更多
2024-09-18
1155 浏览
[📍铜锣湾｜渔火海鲜刺身火锅]朋友极力推介既火锅店，位于铜锣湾嘅渔火海鲜刺身火锅，系地铁站附近，地点好方便。朋友介绍嘅原因系食材非常之新鲜，同埋好多都系自家制食材，环境非常干净，所以试试佢。打边炉最紧要系个汤底，试咗个麻辣同埋胡椒猪肚汤底，老板娘话系全部自家制，搞到我都忍唔住先饮个汤，两边嘅汤底都好足料，系真材实料咁炒出嚟。麻辣𠮶边都真系几辣，胡椒猪肚个边有胡椒有猪红有白果。出边好多火锅店都系摆旧麻辣砖同埋整包汤料，个汤底得个咸字。重点系我食完成餐返到屋企都唔使系咁饮水。讲返食物，海鲜方面，老板娘推介苏格兰蛏子皇，一上到枱见到劲大只同埋劲新鲜，老板娘仲教我哋渌几秒就得，果然超级鲜甜同埋真系劲大只，要分几啖先食得晒。再黎肥水大花甲，只只都劲大粒，个麻辣汤同个花甲都几夹，可以带出个鲜甜。之后再叫咗个椒盐海中虾，见到好多人都嗌，每只虾都劲大只，新鲜炸起，只只虾都劲爽口，忍唔住连壳都食埋你就知几好味。本地手切鲜牛颈脊，两个人绝对够食，都系好新鲜，有雪花唔会好柴，食落都几爽口。渔火特色四色丸有惊喜，估唔到啲丸都咁用心制作，食得出系手打丸，而且真系好有特色，最难忘系鲜虾丸，外面有层虾干铺住，咬落淡
朋友极力推介既火锅店，位于铜锣湾嘅渔火海鲜刺身火锅，系地铁站附近，地点好方便。朋友介绍嘅原因系食材非常之新鲜，同埋好多都系自家制食材，环境非常干净，所以试试佢。
打边炉最紧要系个汤底，试咗个麻辣同埋胡椒猪肚汤底，老板娘话系全部自家制，搞到我都忍唔住先饮个汤，两边嘅汤底都好足料，系真材实料咁炒出嚟。麻辣𠮶边都真系几辣，胡椒猪肚个边有胡椒有猪红有白果。出边好多火锅店都系摆旧麻辣砖同埋整包汤料，个汤底得个咸字。重点系我食完成餐返到屋企都唔使系咁饮水。
讲返食物，海鲜方面，老板娘推介苏格兰蛏子皇，一上到枱见到劲大只同埋劲新鲜，老板娘仲教我哋渌几秒就得，果然超级鲜甜同埋真系劲大只，要分几啖先食得晒。
再黎肥水大花甲，只只都劲大粒，个麻辣汤同个花甲都几夹，可以带出个鲜甜。
之后再叫咗个椒盐海中虾，见到好多人都嗌，每只虾都劲大只，新鲜炸起，只只虾都劲爽口，忍唔住连壳都食埋你就知几好味。
本地手切鲜牛颈脊，两个人绝对够食，都系好新鲜，有雪花唔会好柴，食落都几爽口。
渔火特色四色丸有惊喜，估唔到啲丸都咁用心制作，食得出系手打丸，而且真系好有特色，最难忘系鲜虾丸，外面有层虾干铺住，咬落淡淡虾肉，超级好味。
即炸松脆响铃，新鲜厨房即炸，靓汤底一定要试响铃，果然冇令我失望，仲要劲大条。
时令什菜篮，啲菜都新鲜过人，又有粟米，又有冬菇，什菜篮作结，非常满足。
自家竹蔗茅根，健康之选，辣辣地饮返杯解辣，好润喉。
渔火海鲜刺身火锅系非常之有水准嘅餐厅，每一款食材都系非常之新鲜，好多自家制嘅食品都系非常之高质素。店内嘅职员亦都好nice同好细心，环境好舒适，有啲似私房菜嘅感觉，私隐度好高，约埋朋友倾偈打边炉绝对非常之适合，绝对值得推介。
张贴
