古今二 (荃灣千色匯I) (裝修中)

古今二呢个名骤眼睇，以为系食台湾嘢，原来系一间日本餐厅，之前已经喺其他地区见过呢间餐厅㗎喇，今次就嚟到荃湾嘅呢间分店度食晚餐。餐厅嘅装潢都几日式，舖入面仲有一个小型嘅鸟居搭建左喺呢度，一般我哋去食日本嘢都唔少得嗌个沙律㗎啦，今次我哋就嗌咗呢个柚想虾你沙律，蔬菜嘅份量同新鲜程度都不俗，甜虾非常新鲜，而且酱汁酸甜开胃，冇令我哋失望。好味指数： 🌕🌕🌕🌗🌑主食方面呢，我哋今次就冇嗌饭面，选择嗌咗两款不同的卷物，其中火山令人有眼前一亮的感觉，口口叠起嘅蟹柳食落口感好丰富，而且酱汁唔会一味四行，配合埋底下嘅卷一啖放落个喉咙，非常满足。火山好味指数： 🌕🌕🌕🌕🌑超级龙卷风 好味指数： 🌕🌕🌕🌗🌑杂锦天妇罗炸粉唔会太厚，唔会因为系天妇罗而拎啲差嘅虾出嚟 好味指数： 🌕🌕🌕🌕🌑食到意犹未尽，我哋最后仲嗌咗一个昭和豆腐，听到昭和两个字已经有日本嘅风味，估唔到呢个豆腐都有一啲小惊喜，外皮似炸非炸，内里口感非常嫩滑，可惜已经食到有啲饱啦，唔系嘅话配个白饭捞埋嚟食就一流啦！ 好味指数： 🌕🌕🌕🌕🌑