Coffee Art

营业中

休息中

是日一行3人黎食晚餐，朋友预先拎位，所以去到直接入得，又系好旺场，座无虚席。因为唔想谂直接叫左set dinner入边既其中3款再另加两款小食。Set dinner可拣沙律或汤，我地3个都拣左南瓜汤。南瓜汤几creamy，又食到好足料既南瓜。小食拣左炸粗薯条配黑松露酱同埋焦糖鸡翼(3只)，上次都食过，今次都系心思思想食，果然都系甘好食。然后叫左客黑松露杂菌忌廉汁意粉，忘记左影相。黑松露味好香，意粉软硬适中，果汁creamy，不过我嫌佢湿左啲。而果蕃茄海鲜意大利饭，其实系好食既，啲饭系有啲咬口既意大利饭，即系唔系淋哂，有啲半生果款意大利饭，我几中意呢种意大利饭，但可惜果汁我麻麻地，有啲偏酸左啲，海鲜唔错。成晚3个main入边我最中意呢个慢煮红酒牛尾意粉，意粉软硬度适中，啲牛尾系好淋身，完全唔洗出力咬，牛肉嫩口，根位弹牙，煮得好入味好食，果意粉令我超惊喜，因为超重牛味，食得出有用牛汤煨过下，同埋果牛尾一齐真系好夹。整体黎讲，食左几次都食极唔厌，食物质素高，店员服务又好，朋友剥虾整污糟左只手，店员望到仲即刻递上纸巾，超贴心，下次又会再黎食。