牛記茶室 (已搬遷) 新店位置

Good Friday在苏豪饮得尽兴，夜麻麻同个朋友离开时佢话想食D野，唔想行去翠华咁远，于是乎打横行左个街口来左呢度，都见有唔少人帮衬，大部份是的士大佬，有一两台是像我们蒲完揾野食的。一路都以为呢度系间面档，但原来坐低至知好多野都有得食。叫左个干炒牛河同奶茶两杯，原本想叫碗面，但见隔离煲清汤腩几正，所以就叫来试试。牛河有火侯，炒得够干，味道唔错，虽然碟底有唔少油但就正好给装满mix wine的胃部舒缓一下；清汤腩几正，半肥廋，炆得又林又入味，可能食左一晚薯条洋葱圈炸鱿鱼的关系，特别觉得好食。埋单近一百，唔算好平，但食物是有水准的。第时在Soho饮得咁上下都可以走来食野。