莆田

营业中

休息中

今晚又嚟咗妈咪最钟意食嘅＜莆田＞，原来而家做紧新搞作，＜蒲田活鳗鱼，皮嫰肉弹牙＞😎 以出口级嘅鳗鱼作招徕，妈咪即刻双眼发光，佢啱食，我就开心喇🥰今日去呢间喺中环中心附近嘅L Place分店，地方都好光猛同埋第一个感觉就干净企理，职员面露笑容，第一个印象已经满分💯🌟辣汁花蛤味道比相像中淡，相反食到花蛤嘅鲜甜，微微辣嘅后劲又几过瘾☺️🌟椒盐猪手呢个系＜莆田＞嘅招牌之一，记得喺荷里活广场店开始已经有食，皮脆肉嫰，名物🫶🏻🌟大白菜炖软豆腐我好钟意食炖既菜式，豆腐软滑之余，佢用咗少少蛏子虾米带出一种海鲜嘅鲜味，每一碗都暖入心🫶🏻🌟普宁豆酱焗活鳗主角出场😍😍 其实有四种唔同嘅活鳗菜式选择，我最后就拣咗普宁豆酱😎😎 活鳗真系唔同啲，非常新鲜弹牙✌️ 菜色加入大量嘅洋葱同蒜头， 加埋普宁豆酱，非常惹味🌟🌟🌟🌟马来风光类似马拉盏炒通菜，关键系够火喉，个酱好香🫶🏻🌟桂花陈皮炖雪梨最后紧系要个甜品啦，个炖雪梨真系清甜，淡淡既桂花陈皮令个甜品食起上嚟好舒服，赞👍＜莆田＞真系一间好稳定又定期有惊喜嘅中菜餐厅🥰 味道一啲都唔马虎🫶🏻 今期呢个活鳗主题我觉得好出色，一定会介绍朋友嚟试下，真心推介🫶🏻