牛陣 (銅鑼灣廣場一期)

营业中

休息中

平日食得菜少，今日lunch hour得闲谂住食翻多啲水煮菜，来左打边炉。其实来到已经近2点，全场得小猫三两只，拎台带位安排坐左向角落。台面个碗有条短头发，冇出声自己揾湿纸巾清洁过啲餐具。啲牛拣左话最有牛味个款，不过食落都系冇乜牛味。算，便价放题质素唔可以要求咁多。而且今日目标系蔬菜类，本身食得唔多，临尾提早收钱埋单惯例冇问题。够钟前已经熄左火，清紧碗里面既嘢。得翻两件南瓜芋头，因为煲左好耐先软熟，啱捞上来里面又热辣辣，好难食得快，努力食紧。然后超时5min，我口仲咬紧件热嘢，吞又吞唔到，吖姐企正系面前话要交台，命令式语气。我望一望全场，得个两围台，空台几十张，又唔系赶住打烊😵道理明既，即时摆低筷子起身走人，落到楼下系超时7min。茶餐厅做法或者繁忙时间，大家理解要准时交台一定配合。不过当全场9成吉台都要被催促，咁就觉得好唔人性化。头先食紧时7/8个人企系我面前围炉吹水，都唔知原来佢哋对客户咁有原则同规矩。本来谂住好地地食餐饭，一餐饭中三个雷点。一句讲晒，有时间食第间，唔会再帮衬。