潮薈軒

营业中

休息中

昨晚去左食晚饭，见之前啲post 话前身系丽港城会所间潮州餐厅，以前系观塘返工都有去丽港间餐厅食开晏觉得唔差所以就决定帮衬下佢啦。首先讲下食物，叫左个三宝 卤水拼盘+炸虾/蟹枣+川椒鸡，一个孖宝 白果猪肚汤+红烧豆腐 仲有潮式面线 同菜川椒鸡 同已前一样好食卤水拼盘，猪肚汤 ，面线 一般炸虾/蟹枣 个汁唔知点解系比泰式辣酱唔系比潮式桔汁红烧豆腐 好多油一行人五大两细 （5岁，2岁），卖单收我七个茶位。同部长讲，两个小朋友一个两岁系未应该六个茶位，个部长态度真系差到一个点好唔耐烦咁，一直系话lee 道系咁嘅啦，lee 道系要计嘅啦，小朋友都要计嘅啦。其实都系问下，你答一句我地大人小朋友都计茶位未算。所以话点解咁多人北上食饭都唔系香港就系咁，除左平服务态度都真系差好远。之后送糖水仲问小朋友要唔要，你茶位就识收足我七个糖水又唔想比足我。最后成晚都系得 2张枱客人，啲员工有少少好似赶收工咁。