香港地 (已結業)

星期六下昼四点到达山顶凌霄阁 ，餐厅嘅位置系搭完缆车，一出嚟 行咗几步，经过手信店舖，就即刻见到哩间餐厅，它位置系绝佳。 我哋畀佢啲食物相吸引咗，入咗去😅。我哋本来系为咗件西多士 入嚟，点知佢话冇晒面包，卖晒，咁咪唯有叫其他啦😒， 其实好奇怪~佢定位系茶餐厅😮‍💨舖面啲photo主打都系西多士，奶酱多士咁，居然冇晒面包🤔。 另外，因用qr code点餐， 局限咗饮品冇得嗌少甜少冰 ，(其实好多用qr code点餐嘅餐厅，个app入面都可以备注)，我就问一问个服务员， 𠮶位肥肥哋嘅服务员哥哥(唔系著恤衫)，非常之helpful👍， 帮我哋人手落单，备注少甜少冰。 著住恤衫𠮶两位看似高级啲嘅服务员就好冷漠，西口西面咁，两位只企喺门口附近，不停望住店出面，完全唔多理店舖入面嘅嘢。我哋嗌咗两杯冻饮 (阿华田珍珠，另一杯系红豆冰珍珠)， 两杯冻饮加起系接近100蚊，再加50蚊嘅洋葱圈配花生酱奶油pancake ，食物味道就真系一般啦~系大x乐/大x活嘅级数， 价钱就山顶价钱，唯一值得赞嘅就系个肥哥哥侍应够nice和主动💖，埋单系大约 $150。