FRITES Belgium on Tap (西九匯)

营业中

休息中

收工同朋友嚟到大角嘴呢间Frites Belgium on Tap餐厅，第一次嚟到系食佢哋嘅晚饭，店舖嘅装修好靓好有格调。食物方面叫咗招牌忌廉青口配酸面包及薯条，肉质鲜嫩，青口够大只，食落带点咸鲜味，而且青口整得好入味，另外旁边有香脆嘅薯条同多士都好好食😋。和牛汉堡配炸蕃薯条，份量好足够汉堡包好大个，汉堡馅里面有芝士、烟肉、蕃茄、菜、和牛汉堡扒，馅料非常之丰富。而个汉堡扒肉汁够鲜嫩，面包好香脆唔会太淋，整体口感好丰富，味道唔差👍🏻，蕃薯条外脆内软，食落好香嘅蕃薯味，值得一试。前菜叫咗吞拿鱼他他好够鲜味，混合唔同种类嘅蔬菜，食落口感好丰富，而且挤啲柠汁混合一齐食好开胃，连埋个多士一齐食好夹。