水門雞飯 (蟾宮大廈)

营业中

休息中

今日放工，去CWB处理私务，约咗家姐去呢度食饭。食咗水门鸡饭(加鸡杂)及炒金边粉。鸡肉唔肥及嫩滑。个汤超劲白胡椒味。金边粉叫咗走辣但都有少少辣，酸甜味道平衡，唔错，4大只虾靓仔爽口。其中有位戴眼镜的女侍应，收碗碟后，行去舖最入嘅位置时，唔小心跌咗碟汁落地，啲汁弹到一地都系，但好快就抹返干净。我哋就食完嘅时候，出面排紧队，𠮶个女侍应指住最入𠮶张4人枱话：「加多张櫈喺度啰？！」当时𠮶张4人枱已经坐咗2个男仕，另一边只系坐到2个，仲想喺无人𠮶边条罅度摄张櫈入去？𠮶个位系行入后舖嘅通道旁边，俾佢都唔想咁坐啦！！另一个男侍应阻止咗。我哋食完即刻走⋯。我家姐话，香港人咪就系因为咁嘅服务，走晒去北上消费！！简直系赶客！！之后先发现，原来啲汁弹到去我家姐件衫嘅背面，当时佢系背住通道坐。奉劝各位，坐低食嘢时都要留意附近发生乜事。