誠日本料理 (已結業)

环境很好, 但价钱偏贵, 如果每人收费约$250-300, 大概对食物质素也有点期望吧, 可惜:1)炉端烧的汁烧鳗鱼很厚身, 挻好, 可是咬下去时发现中间无味, 因为D汁完全唔入味, 所以好腥。 Around $30一串, 平时去其他炉端烧餐厅俾番呢个价钱会好味好多。2)汁烧茄子一样味道好淡, 仲几生几硬, 唔好食。3)烧元贝无特别, 好普通。4)乌冬好腍, 完全无弹性。 平时D手打乌冬好有咬口, 我仲以为佢俾错咗其他面我, 但问完待应话D乌冬系咁。5)寿司走咗单, 等到食完晒都未黎, 追完又要等好耐, 我哋仲要同待应追三次先有得食 (但当时枱又唔满, 几个寿司师傅仲企晒喺度)6)三文鱼刺身$50 只得四片(偏贵, 是正宗日本餐厅的价钱), 但肉质松散, 上椅时见到三文鱼一层层嘅肉之间竟然系分开嘅。通常刺身师傅都知要一刀咁切落鱼生度, 一层层嘅鱼肉先唔会散开, 明显呢间餐厅刺身师傅切鱼时切几下才切到一片鱼生, 唔合格！我同D friends 都话唔值呢个价, 唔会再去！