更多
2018-02-09
511 浏览
第二次帮衬金禾阁食到一肚气!在一间普通到唔普通嘅茶记食嘢,落咗单十分钟都未有嘢食到,同伙记跟跟单也许是常识罢!收银个阿婵态度嘅差,睇一睇张单即话叫咗十分钟咋㖞,好耐咩?又唔系得你一枱客……只好谷住度气等咗十五分钟,啲卖相好差嘅食物终于送到!可能见我哋等咗咁耐,所以随金银蛋浸菜苗奉送曱甴一只!梗系嬲到爆但叫极都冇人理,个著便服疑似经理或老细嘅男人态度极差咁在远住喝我哋,话等阵啦!整埋啲嘢咪嚟啰……我即刻好崩溃好大声咁讲:你啲食物有曱甴呀!附近几枱客都望哂过嚟,个便服男先九秒九赶过嚟……当然佢好想尽快咁收走有曱甴嘅食物,但我哋阻止咗佢,佢跟住话唔要咪取消啰,洗唔洗打一身呀?真系觉得又贵服务态度又差嘢食又唔好味卖相又衰 嘅茶餐厅点解仲可以做咁多年,唔系话啲租好贵㗎咩?点解咁嘅质素都仲顶得住?真系冇天理!
在一间普通到唔普通嘅茶记食嘢,落咗单十分钟都未有嘢食到,同伙记跟跟单也许是常识罢!收银个阿婵态度嘅差,睇一睇张单即话叫咗十分钟咋㖞,好耐咩?又唔系得你一枱客……只好谷住度气等咗十五分钟,啲卖相好差嘅食物终于送到!
可能见我哋等咗咁耐,所以随金银蛋浸菜苗奉送曱甴一只!梗系嬲到爆但叫极都冇人理,个著便服疑似经理或老细嘅男人态度极差咁在远住喝我哋,话等阵啦!整埋啲嘢咪嚟啰……我即刻好崩溃好大声咁讲:你啲食物有曱甴呀!附近几枱客都望哂过嚟,个便服男先九秒九赶过嚟……
当然佢好想尽快咁收走有曱甴嘅食物,但我哋阻止咗佢,佢跟住话唔要咪取消啰,洗唔洗打一身呀?
真系觉得又贵服务态度又差嘢食又唔好味卖相又衰 嘅茶餐厅点解仲可以做咁多年,唔系话啲租好贵㗎咩?点解咁嘅质素都仲顶得住?真系冇天理!
29 浏览
1 赞好
0 留言
张贴