room 3

营业中

休息中

最近同朋友去咗尖沙咀嘅Room 3预先庆祝农历新年，餐厅环境舒适，适合大家聚埋一齐吹水。而且除咗饮品好靓之外，食物都意外地出色。核桃小甜鱼，甜甜地嘅开胃前菜，啱晒一路食一路睇menu。无花果蟹子沙律，无花果增添咗微微嘅甜酸味，感觉清新。迷你蟹王蟹肉窝夫挞，蟹肉又多又鲜甜，食到好满足。黑豚玉子烧，略带咸味嘅黑豚肉，配合甜甜嘅玉子烧，味道层次分明，非常吸引。日本豆腐，豆腐炸到酥香，同时保持弹牙，木鱼亦好香。鸡中翼，烧得啱啱好，带有焦香。鸡翼酿鲍鱼，卖相特别，鲍鱼仲好大只。北海道辣味鱿鱼肝汁松叶蟹肉意大利面，有好轻微嘅辣味调味，餐厅用咗烟韧嘅鱿鱼同好肉地嘅蟹肉，带出唔同感觉嘅鲜味。天使面吸哂啲汁，够晒入味但又唔会太heavy。葱拖罗三色紫菜TACO寿司手卷，炸过嘅紫菜加上鲜味吞拿鱼蓉同软熟嘅白饭，口感丰富，配合得天衣无缝。甜品菠萝焦糖烧，烧过嘅菠萝配上焦糖酱，甜而不腻，直情想一个人食哂。自家制红豆布丁，香浓嘅红豆味同滑流嘅布甸，简简单单但系做得非常出色。饮品方面，Empress鸡尾酒放系一个发光嘅木盒入面，非常华丽，闻落去有少少烟熏味嘅感觉，原来系用咗紫苏叶，调酒师仲用咗酸苹果、青柠、同Ja