極尚大喜屋 (加連威老道) (已結業)

见好耐都无见日式放题，咁见朋友刚刚食完极尚大喜屋话几好食又抵，咁就打左去bokk又有位，终于有机会同老公去食餐劲！我地食8点9呢转，哗，咁夜都全场爆满😨我地见咁多人梗系快快手点野食。点左好多野食，竟然唔驶一阵就上台。我地叫左好多刺身，甜虾同带子劲甜劲新鲜！仲有油金鱼都好正！仲有海虾、赤贝、希灵鱼、三文鱼、象拔蚌都水准之上。最正系寿司每件都细细旧，唔驶食饭食饱，仲可以食多几款，而且仲有海胆寿司任食！估唔到系有霸王花猪骨汤饮，我饮左两碗，都几好饮，仲有我爱的鸡脚。最值得一赞，系佢地既服务系超级好，我可以讲我未见过一间日式放题有咁好既服务，上菜快、无漏单、有笑容，仲要对客人好关心，我地临走个时，侍应惊我地唔记得叫雪糕，仲提醒我地。