翠林辣蟹舫

第一次食依间翠林辣蟹舫, 当然要试试佢嘅蟹🦀💁🏻‍♀️香辣酱油蟹个酱唔会得个"辣"字, 系真系好香好惹味!!由于本身我唔算好食得辣, 餐厅应我地要求减左少少辣~因为系肉蟹, 所以个份量其实都好多~蟹肉够鲜甜, 连埋个香辣酱一齐食, 正‼️💁🏻‍♀️红梅脆斑球食脆斑球我最怕层粉好厚好硬, 依度嘅脆斑球完全无依个问题!!新鲜龙趸肉外面包一层好薄嘅粉, 外脆内嫩, 一食落去就知有几新鲜~重点系要配埋个红梅酱汁, 够开胃!! 佢唔系好假沟出黎嘅普通红梅汁, 店员叔叔话系用新鲜红梅打汁, 唔怪得咁特别🤩另外值得一提嘅系, 店员叔叔姐姐们都好好服务, 笑容满面😄