Le Monde

营业中

休息中

经历完日日ot既一月，我今个星期六终于唔使再返office👏🏻，而我今日同女友去左观塘食个lunch放松下，最后试咗观塘打工仔介绍既Le Monde。餐厅装潢渗透出一丝丝工业风，而另一边酒红色嘅梳化突显餐厅典雅嘅一面，正正符合多元化既Le Monde，餐牌上有多达十五款午餐选择，包罗万有。套餐加$15就可以转浓虾汤，旁边系免费既苹果沙律，一开始我以为系龙虾汤🤣。估唔到鲜甜程度拍得住龙虾汤，虾味非常浓郁，口感细滑。- 慢煮法式红酒焖牛颊肉配法包牛颊经过12小时既焖煮后肉质相当软稔，而且好入味，连入面既蒜都好正。法包索晒酱汁既精华，如果可以任添法包就正😜！- 芝士焗龙虾配菠菜忌廉意粉龙虾加上芝士后原只开边焗，上面既芝士烧成金黄色，令人食指大动。龙虾肉质爽口，味道惹味不失龙虾鲜味。意粉份量多，软硬度适中，唔会话煮得太稔，而每一啖意粉都挂到忌廉汁👍🏻餐厅食物质素同环境属于中上，值得我再encore，下次试埋其他lunch set先。