韓兄弟燒烤

营业中

休息中

早排终于订到位去食，满心期待，之前去完济洲，完全挂住左海产既刺身，特别系海参。当日6点几到，我地两位，等左一阵就带我地入去另一间房，唔系主铺，当时个场都爆爆地，咁个同事就同我地讲𠮶边无得烧烤，咁我地都无所谓，主要都系想食刺身，坐低左一阵，跟住就叫左个两款鱼刺身既套餐，不过当日得两款鱼，落单同事有同我地讲既，都无问题，我最期待既都系𠮶五小碟海产刺身，叫埋支啤酒饮下，无几耐就黎左d前菜，小食，煎饼之类，跟住无几耐就黎左的最期待既五小碟，不过个样同我上网睇既唔同点解系两款八爪鱼刺身既？唔系鲍鱼，海参，海菠萝，海螺同八爪鱼咩？之前等左一阵，终于好难得地再见到店员同事，就问佢点会系两个八爪鱼既？海参呢？佢谂左阵，就答我可能无货挂，咁我心谂落单𠮶阵你唔同我讲既？我叫野既时侯都有问过系点叫法架？系咪有呢d野咁，算，无就系无，都无办法，同埋我地早一日都有问过佢洗唔洗订呢五小碟既野，佢话唔洗，黎到就有架啦，真系......。之后再想叫野，系完全好难先会见到店员一次，真一个都几差既体验，有时d铺太红，都系唔好去试，又旺又唔够同事招呼，食物系好食既，不过就算我几想再食海参刺身都唔会再去，无下次，完。