大自然素食

营业中

休息中

朋友极力推介话大自然素食就顺佢意试吓地方几阔落，晚餐时间客人不多，去厕所就知道有几污糟，食饭前最好避免去。伙记少，叫左几次先有人啋吓……. 幸好上菜都好快蜜汁叉烧荷叶包$78素蜜汁叉烧卖相干柴，味道就冇乜特别，只系有色的硬面根，用包夹住食，加埋青瓜同甜酱，反而食吾到素叉烧原先味道，感觉仲好。鲜牛油果焗啡菇$88牛油果软稔如忌廉，啡菇内加入了沙律酱，同时加上芝士焗，所以十分香口，口感亦 juicy, 可惜呢个价钱得一只菇有点儿那个。鲜竹粒班腩豆腐煲$88份量足，个蚝油轩汁超杰身，食落好浆咀，味道较淡，唔好食。白饭$12一睇就知煮饭落得太多水，超级黏口，连煮碗饭都冇心机，真系等执笠。基本上十叫九吾应，零服务。