大自然素食

营业中

休息中

昨日18/12，因为去铜锣湾又唔知想食乜，，所以去大自然食，因为去开太子个间，食物都唔错，所以自以为铜锣湾应该都差唔远。首先叫咗每次必叫嘅柚子什菜沙律同两只木瓜沙律，侍应好细心提醒两样野都系沙律，但语气好差，我地唯有确认系啱嘅。到柚子什菜沙律上枱，卖相已同太子有分别，食落个汁又唔同，我地都明白分店不同厨师不同，有差别系唔出奇，只要不难食。点知有某种沙律菜太老，苦，所以只食了其他菜，咁啱有个著黑色套装（应该经理级）嘅人行过，于是同行大厨就同佢讲“啲菜老，好苦”，点知个阿姐就好串“啲菜系苦架㖞，你唔食得苦唔好叫啦”，大厨有佢嘅执著，同佢理论，同枱嘅我觉得阿姐好差，于是我出声叫大厨唔好同佢计较。其实，我写呢篇食评，除了觉得食物质素点可能同其他分店差咁远，另外仲想讲，我地出黎消费食个午餐，不是想受气，同你反应意见只希望会有改进然后下次我地又可以食到好味嘅野食，我地无要求换亦无要求要咩著数，好想问个经理，你凭咩话呢只菜系苦？人地做西厨，一日唔知整几多份沙律，认知会俾你差？顺带一提，饺子味道不错，炒饭就略为湿，唔干身，但唔难食。